Muhammad_Allam

أنا بدوّر على شريكة حياة تكون بنت محترمة وحنينة، متربية على الأصل والدين، قلبها طيب وتحب ربنا، وتكون محافظة على صلاتها ولبسها محترم، يعني متدينة بجد مش مجرد شكل. نفسي في بنت هادية، عاقلة، بتعرف تحتوي الراجل، مش عصبية، وتقدر تحل المشاكل بهدوء من غير نكد ولا زعيق. تبقى صاحبة مبدأ وقلبها كبير، بتحس بظروف اللي معاها، وتحب تبني بيت مستقر وهادي، مش بتدور على مظهر أو مظاهر فاضية. الجمال بالنسبة لي مهم، بصراحة، وبدوّر على بنت جمالها ملفت -مُسرّ-، يعني أول ما أشوفها أرتاح وأحس إنها فعلاً "مراتي اللي بدور عليها"، تكون مهتمة بنفسها ونظافتها وشكلها، من غير ما تبقى متصنعة أو متكبرة. مش بحب فكرة إن مراتي تشتغل، ويفضل تبقى حابة تكون ست بيت، مهتمة بجوزها وبيتها وعيالها، دي بالنسبالي حاجة عظيمة، وبتكفيني جداً. أحبها تبقى شاطرة في بيتها، بتحب الجو العائلي، وبتحب الأطفال ومستعدة تكون أم بجد. ياريت تكون من بيئة قريبة منّي، متفاهمة معايا في العادات والتفكير، وتكون متقبلة ظروفي وطموحي، سواء في مشروع خاص أو سفر، أو أي طريق أنا ماشي فيه علشان أكون راجل بمعنى الكلمة. في الآخر، أنا مش بدوّر على مجرد زوجة، أنا بدوّر على شريكة حياة وسند، بنت تعيش معايا على الحلوة والمرة، ونقرب من ربنا سوا، ونبني بيت في حب ورضا وأصل.