Ahmede98

انا مش عايز الزواج لمجرد انه تقليد او خطوة مفروضة عليا من المجتمع مش عايزه عشان اهرب من وحدة ولا املا فراغ ولا عشان الناس تقول اتجوز وخلاص انا عايز الزواج عشان اكون مع انسان اشاركه حياتي وافكاري وضعي وقوتي عايز يكون فيه شريك في الرحلة دي نكبر سوا ننجح سوا ونقف جنب بعض في الحلو والوحش الزواج بالنسبة لي هو سكن يعني ارتاح لما ارجع البيت الاقي حد فاهمني بدون كلام كتير حد اكون انا قدامه من غير تمثيل عايز اعيش مع حد يحترمني واحترمه يسمعني واسمعه ونبني بيت يكون مليان تفاهم وطمأنينة انا عايز الزواج عشان الحب بس الحب اللي وراه عقل ووعي ونضج مش مجرد مشاعر لحظية عايز حب يبقى سبب اني ابقى انسان احسن وسبب اني اخاف على الطرف التاني زي ما بخاف على نفسي وعايز الزواج عشان ابقى اب في الوقت المناسب واكون جزء من عيلة صغيرة نأسسها سوا على المبادئ والقيم اللي انا مؤمن بيها وسن الست اللي هتشاركني مش مهم عندي اللي يهمني عقلها وطريقتها واحترامها لنفسها و ليا لان العمر رقم اللي يعيش معايا بروح صافية وعقل ناضج هو ده اللي يهمني ببساطة انا عايز الزواج عشان اضيف لحياتي معنى اكبر واكون انا كمان إضافة لحياة اللي هتشاركني الطريق