Sara36KSA

في كلمة بقت مشهورة اوي اللي هي بنت الاصول تنام ع الحصير ! مقولة فاشلة وظالمة والهدف منها انها تسهل لاي واحد فرصة انه ياخد واحدة ببلاش دينا مقلش كدا والله وفي بنات صحابة وزوجات صحابة ادفع فيهم مهر غالي جدا وعاشو احلي عيشة للاسف شفنا زوجات كتير هما واهلهم سهلو ويسرو علي اللي متقدم لبناتهم وكانت النتيجة ان المسكين اللي كان قاعد موطي راسه وهو متقدم بقي اول واحد يعاير مراته ان اهلها رموها ببلاش ومدفعش فيها حاجة عشان كدا بنقول في فرق بين التيسير وبين تشجيع النطاعة والاتكال اه في واحدة تقبل تتجوز من غير قايمة او شبكة بس انت افرش شقتك كلها واديها مهر ومؤخر حقيقي زي ماكل البلاد العربية والاسلامية مابتعمل لكن معلش ميبقاش زوجتك واهلها فرشنلك نص بيتك ومفيش مهر وتقلي القايمة ليه من حق الزوجة بقت كلمة بايخة بتاعة الشارية وبنت الاصول مش حيهمها حاجة ومش حيفرق معاها حتعيش فين لا والله بنت الاصول من حقها تعيش كويس وتأمن مستقبلها مع اللي حياخدها من بيت اهلها وبنت الاصول مش لازم تتمرمط وتعد علي الحصير عشان تبقي بنت اصول