Essam yasser

أنا اسمي عصام ياسر العزب، عندي 27 سنة خريج كلية الهندسة، قسم مدني، دفعة 2021 من جامعة الزقازيق، والحمد لله كنت من الأوائل بتقدير جيد جدًا مع مرتبة الشرف. من بعد التخرج بدأت أشتغل في مصر شوية، وبعدها ربنا كرمني وسافرت السعودية من حوالي 3 سنين، شغال حالياً في مجال المكتب الفني في المقاولات بالرياض، خبرتي دلوقتي حوالي 4 سنوات، منهم 3 سنوات في السعودية و1 سنة في مصر. طبيعة شغلي فيها شغل إداري ومكتبي وتنفيذ كمان، وبشتغل على البرامج الهندسية زي الأوتوكاد والريفيت وبرامج إدارة المشاريع زي بريمافيرا، وكمان عندي خبرة في الحصر والكميات والمستخلصات وكل أعمال المكتب الفني. من ناحية الشخصية: أنا إنسان هادي بطبعي، بحب شغلي ومرتب أموري، والحمد لله محافظ على صلاتي، وبحاول دايمًا أطور من نفسي وأتعلم الجديد. هدفي إن شاء الله إني أستقر وأبني بيتي على أساس طيب مع شريكة حياة بنت ناس طيبة، يكون بينا تفاهم واحترام، وربنا يرزقني ويجمعني باللي فيها الخير