R.alqahtani

يهمني فيه صلاته ويكون محافظ عليها لأن إللي يخاف الله بيخاف الله فيني وبيكون أمين عليّ وعلى حياتنا ————————————————————————————— أحتاج رجل واعي يعرف معنى الزواج الحقيقي ويكون عارف إن الحياة الزوجية شراكة فيها سكن ومودة ورحمة واستقرار ومؤمن إن العلاقة ما تبنى إلا على أسس قوية مثل الاحترام والتفاهم والوضوح والحب ————————————————————————————— ويكون عارف إن الحياة الزوجية تمر بتحديات ومواقف تحتاج صبر وحكمة وهدوء وردات فعل متوازنة ما أبغى علاقة فيها فرض رأي أو تنافس أو من الأقوى وكأنها معركة أبغى علاقة فيها وعي واحتواء وهدوء وأمان نفسي ويهمني في أسلوبه إنه يكون حنون وكريم في مشاعره ما يخجل من التعبير ولا يتعامل بجفاف ————————————————————————————— يكون متفتح بحدود يعرف يتعامل مع الحياة بعقلية مرنة وفهم ووعي بس دون ما يتجاوز الثوابت أو ينجرف خلف الانفتاحية الخارجة عن المألوف ————————————————————————————— أحب التوازن ما بين العقل والدين والانفتاح المحترم إللي ما يخلّينا نفقد هويتنا أو نخسر قيمنا ————————————————————————————— أبغى رجل يُقدّر الكلمة الطيبة ويعرف قيمة الاهتمام واللمسة إللي تخلق فرق ————————————————————————————— التعامل عندي أساسه الاحترام والرُقي في الكلام والتصرف ————————————————————————————— أرفض التحكم والتقليل وأرفض أسلوب الاستنقاص أو التجاهل أو كسر الكلمة ————————————————————————————— أؤمن إن الاحترام ما هو خيار وإن العلاقة الناجحة تبدأ من تقدير كل طرف للآخر وتفهمه له بكل هدوء وصدق ورغم كل شيء أنا مؤمنة إن التفاهم بين الزوجين هو الأساس وإن كل طرف له مساحته وحدوده ————————————————————————————— من ناحية الشكل يهمني يكون مقبول ومرتب ويحافظ على نظافته الشخصية لأن النظافة شيء أساسي وتعني لي الكثير ————————————————————————————— من البداية حابة أوضح نقطة مهمة قبل لا أحد يدخل علي ويضيع الوقت بالحوار معي وبعدين يطلب تواصل خارج التطبيق التواصل بالنسبة لي محصور داخل التطبيق فقط ومستحيل أقبل بأي تواصل خارج التطبيق أحترم نفسي وحدودي وأشوف إن أي تواصل جاد ومحترم ما يحتاج يخرج عن الإطار المخصص له وأؤمن إن الجدية تبدأ من احترام الوسيلة والمكان إللي بدأ فيه التواصل وإللي يبغى تواصل خارج إطار التطبيق ما راح يحصله عندي وكل شخص حُر بـ اختياراته وأنا بعد حُرة بقناعاتي ومرتاحة مع حدودي ————————————————————————————- إذا بدأت أتكلم مع شخص أركز عليه وما أفتح مجال لغيره إلى أن تتضح الأمور بيننا يا نتفق أو لا ما أشوف إنه من الصح أتكلم مع أكثر من شخص بنفس الوقت أؤمن إن العلاقة ما تكون جدية إذا كانت موزعة بين أطراف متعددة وأتمنى من الطرف الثاني يكون مثلي يعطي العلاقة حقها ويحترم فكرة الوضوح والنية الصادقة لأن هالأشياء بالنسبة لي أساس مهم لأي بداية وأنا بطبعي ما أحب التشتّت وأرتاح أكثر لما يكون كل شيء واضح وهادئ من البداية ————————————————————————————— أنا ما أقبل إلا بسعودي فقط مع احترامي وتقديري للجميع وأي جنسية غير السعودي راح يتم تجاهلها مباشرة وما أقبل بأي شخص أصغر مني وأفضّل عمره ما يتجاوز 44 سنة ————————————————————————————— زواج المسيار أو الزواج غير المُعلن حتى لو من طرف واحد غير مقبول تمامًا بالنسبة لي ————————————————————————————— أبحث عن زواج واضح معلن محترم قدام الله والناس