Salma ehab5

يكون راجل بمعني كلمه راجل وبكل صفات الرجوله بقا جدعنه ومسؤوليه وأخلاق وأهم حاجه يبقى غيور على أهل بيته مش ديوث يكون ملتزم التزام حقيقى يفهم معنى رجل مسلم ويتشبه ويقتضى برسول الله والصحابه في معاملتهم لزوجاتهم ويبقى فاهم معنى بيت مسلم واسره تطيع الله ويقتضى بيهم ف القوامه والمسؤليه والصلاح يكون صالح مصلح هين لين حنون متفاهم ذو خلق عالي مبيشتمش ولا بيقول ألفاظ مبيمدش ايده ولا بيقلل من حد اسلوبه هين وزوق مع الكل عنده عزه نفس يفهمني ويحتويني ويبقالي اب وصاحب قبل زوج وانا مأموره بطاعته طبعا يعيني ويشجعني على جهاد نفسي وفى الحياه العمليه بردوا وانا كمان هدعمه بيحسبها حلال وحرام ف كل حاجه في حياته ف شغل وف فلوس وفي كل حاجه عموما كبيره وصغيره بار بأهله ومتعلم وبيحب يطور من نفسه ديما وطموح ماديا كويس يناسب عيشتي مع اهلي ونعيش مطمنين مش شرط تبقى مرفهه جدة ونبدأ حياتنا سوا وادعمه ف كل خطوه بس ميبقاش في اختلاف كتير عن الحياه اللي اتعودت عليها وبقيت الماديات والشقه دي مع الاهل يكون نضيف وبيهتم بنفسه ومظهره يحبني ويبقى في احترام وتقدير وموده ورحمه بينا متبادله مهما كان لسانه تقيل الكلمه اللي تطلع منه سيف ومتنزلش الارض ومش اي كلام يقوله ميطلعش اللي بينا برا ولا يتكلم ف أسرار البيت وأنا كذلك اللي بيني وبينه يفضل بيني وبينه بس ميبقاش بتاع كلام يعني ولا عكاك يبقى ضهر وسند ليا ف كل المواقف حتى لو غلطانه ويحاسبني بيني وبينه إنما ديما قدام الكل هو معايا يطمني بوجوده جنبي