أنا itisme_112 ، 41 عاما من السعودية أبحث عن زوجة رقمي في مودة هو 10993364

عضوية مميزة

السكن و الحالة الإجتماعية

في عمر ما عاد ننتظر فيه الزين يجي بصوت عالي، نلتفت للشي اللي يجي على مهل… يشبه الطمأنينة، ويشبه طيّب العشرة… ما أبيع صورة، ولا أركض ورا رضا الكل، بس اللي يعرفني يعرف وش يعني تقدير، ووش يعني يكون لك قلب يلتقط التفاصيل، ويحتويها بدون سؤال. اللي أتمناه ما هو كثير… رفيقة درب تعرف تسند وتنسند، وتفرح بالعطاء مثل ما تفرح بالأمان. وإن مرّ بك هالسطر وترك فيك شعور، فـ يمكن ما كنتي تقرينه بس، يمكن كنتي تلاقين نفسك فيه

ما أحب أوصف ملامح، ولا عمري التفتّ للمثاليّات اللي تنقال، اللي يشدّني دايم يكون أبعد من الشكل… تكون قريبة من الفكرة اللي تسكن الراس من زمان، بس ما لقت لها اسم، ولا توقيت.. اللي عيونها فيها طمأنينة، ونبرتها هادية كأنها تدلّك على طريق ماشي معه قلبها بثقة…تعجبني اللي ما تشرح، بس تحسّ، تفهم النبرة، وتلتقط الشعور حتى لو انقال بنظرة. ما تْشغلها المقارنات، ولا تحب تْثبت شي، لأنها من داخلها مرتّبة، نضجها ناعم، وعطاؤها ما هو مشروط. وجودها يْهدّي، ما يلفت الأنظار، يلفت الأرواح اللي تعرف قيمة السكون.. وإن شدّك الكلام، فـ يمكن لأن بيني وبينك شي ما انخلق صدفة… شي يشبهك من قبل لا أكتبك