منال 83t

لو علمت كم كان صعبا وطويلا طريق بعض الناس لاستعادة سلامهم النفسي وسعادتهم،لفهمت تماما لماذا يغلقون كل الابواب في وجه اي سلبية محتملة،ولماذا اصبحوا انتقائيين جدا في من يسمحون لهم بدخول حياتهم💯 انام بدري واحب الصباح مره..احب قعدة الحوش مع ابريق شاي بعز الحر..احب البس قمصان الروز واحس بالسعاده اذا لبستها..احط بشعري حنا ولا مره صبغته ..المكياج ما اعترف فيه …احب دهن العود الخالص نفس حق امي..واحب البخور اللي يجيبه ابوي..احب اسمع شيلات وانا اغسل المواعين..احب الشتاء والكشتات بالشتاء واحب اشب الضو بنفسي..لو سافرت احب اسكن غرفه مع بلكونه او اطلاله اكره الاماكن المغلقه والشقق الضيقه احب النفاه…احب الشبابيك الكبيره والزرع والمطر اذا حبيت انسان اسوي له اطلق بسبوسه وناويه اسوي مشروع ابيعها بس ابي راس المال ..ما اعترف بالكوفيهات احب اتكي بالبيت واتابع المسلسلات المصريه اموت عليها…اذا تحب تمشيني ندور بالسياره ونتعشى شاورما وارجع انام بدري..احب السرعه والاختصار الف السوق بساعتين…ما احب المكالمات الطويله اصدع…احب اسولف اول ما اصحى..وقبل النوم اتابع وثائقيات عن السجون والحوت الأزرق...عندي ببغاء حافظ اسمي وبعلمه اسم زوجي ان شاء الله ..ما احب اللي يفتح المعجون وما يسكره.. واحب النظيفين المرتبين اللي مثلي ..احب اجلس مع العجايز اكثر من البنات من كنت صغيره..ويحبوني واحبهم ..اي قطو بالشارع اعتبره قطوي وله عين فراش وعين لحاف..انا انسانه اذا حبيت على طول اتحول لأم…ما احب اسولف مع بنات هالوقت احب اسفههم ..للحين استخدم سماعات سلك ..احب خاصية الحذف اكثر من الاضافة ما احب الزحمة…احب العبايات الفضفاضه عباياتي وسيعه مره و بالعباة تعطيني عمري ٦٠ اول ما اشيل العباة تنصدم عمري ٣٠ وهذا المطلوب💯 لكل بنت منقبه تطلع مكان عام بدون كحل وايلاينر وعطر وعطر وعطر جعلك فالجنه انتي ووالديك🤍