حرت في زواجي

سلام انا شاب مزوج دابا 5 سنوات و عندي بنيتة نظرا للظروف المادية ساكن فمنزل العائلة مع الوالدين ديالي و ختي و خويا الكبير الحمد لله كولشي بيخير ، ولكن المشكل اللي داير ليا الازعاج و عدم الراحة هو كنلاحظ الزوجة ديالي و الاخ ديالي الكبير كيتبادلو شي نظرات اللي ماكنرتاحش ليهوم نظرات فالطابلة ديال الغدا نظرات ملي كانكونو نهضرو واحد الطاقة او واحد الانجذاب او واحد الابتسامات خفيفة راه لا يعقل ، حتا ملي كيكون مثلا خويا مريض كتبقا الزوجة ديالي تسول عليه كيبقيتي و تنصح فيه و كتعيط لماماها ولا شي حد فعائلتها باش تسولو على شي دوا و كتقول ليا كيبقا واش سولتي فخوك مسكين بقا فيا و كدا وكدا عصباتني قتليها مالك هازة ليه الهم بقا فيك قاتليا راه خوك و من واجب عليك تسول فيه مع العلم خويا الكبير ملتزم و كيصلي -زعما التزام عادي كيسمع موسيقى نقية محترمة و كيلعب كورة و كيخاف الله و كيصلي- حتا ملي كان صغير ماعندوش مع التصاحيب و البنات و التفليات ديما معقول و معروفة عليه فالعائلة .. و مع العلم كذلك ان فرق السن بين خويا و زوجتي 19 سنة د الفرق ديك النهار كنا خارجين لواحد النزهة و حاطين شي حميمصات و فاكية و خويا كيكمش من الطبسيل و كيحط ليها فيديها فالليل قتليها علاش خديتي من عندو قاتليا راه عادي غي شاف الطبسيل بعيد عليا و عطاني و حشومة نقوليه لا .. نتا اصلا مرديتيش ليا البال و ماعرفتينيش واش كليت ولا لا حتا مثلا ملي كيوقع شي نقاش بين ختي و مرتي على الشقا و لا الطياب خويا ديما كيجي من صف مرتي و كيدافع عليها ضد ختي عاودت هادشي لواحد الصديق قاليا لا لا غي الشيطان هاداك خوي بالك من هادشي و مادخلش هاد الافكار لراسك انا كانتيق فخويا و كنتيق حتا فمراتي ولكن انا دخلني الوسواس و شعلات فيا نار الشك حتا فالافلام ولا الاغاني كنلاحظ مرتي ديما عندها الاختيار ديال خويا الكبير ، مثلا واش نديرو السهرة ديال دوزيم ولا نتفرجو فاليوتيب ولا فيلم ، مرتي و خويا كيقولو بغينا الفيلم كيفكرو بحال بحال ولا ملي كتكون مطلوقة شي اغنية بالصدفة فالتلفازة ولا التيليفون كتلقا خويا كيقول كاتعجبني هاد الاغنية كتقوليه مرتي ناري حتا انا كاتعجبني، كنقول ليهوم انا اشمن اغاني ولا ويل كتقول ليا مرتي لا لا اغنية زوينة كيقول ليها خويا بواحد الطريقة : هههه عطاك الله راجل ماكيقدرش الفن دابا اقسم بالله وليت ملي كانمشي للخدمة و الله ما كانرتاح خفت نقول شي حاجة ولا نفاتح الواليدة ولا ختي فالموضوع نتسما خايب ولا مشكاك و نجبد شي صداع خايب و لكن النظرات او واحد الطاقة كنحس بيها بين مرتي و خويا ملي كنكونو مجموعين راه لا يمكن ، شاعلة فيا النار و كنطلب من الله انني نكون غالط و هادشي غي تهيؤات او وسواس.... شي حل الله يرحم الوالدين