أنيس47

خسارة والله كتبت برشة كلام لكن ما تسجلش كي خرجت من الاعدادات لكن نحاول نلملم أفكاري... غايتي من وجودي عل  مودة البحث على شربكة حياة بكل صدق و وضوح و شفافية. بالنسبة للسن و الشكل الحمد لله نعطي اصغر من عمري، مع القدرة على الانجاب رغم ربي ما رزقنيش من زواجي الأول، ان شاء الله ربي يسرلنا الخير. لو نحكي على الأهم فالمهم، نقول الصلاة عندي مقدسة رغم تقصيري الكبير، ما نتكيفش لا دخان و لا شيشة و بالطبيعة ما نشربش زادة، الصدق و الأمانة أحسن قِيم فيا، نرى بالعشرة و ناخو بالخاطر في اغلب الاحيان على حساب روحي، و نؤمن ان الديوث و البخيل ما يدخلوش الجنة. تعلمت من تجربتي ان الزواج ينجح لما يكون فمة تطابق في الرؤى و الأهداف و تكامل في الشخصيتين و تكافى في المقدرة و تشابه في العادات المعيشية. الاحترام و الثقة هوما البنزين الي تمشي بيه العلاقة الزوجية و التغافل عن الأخطاء و النقائص هو زيت الموتور الي من غيرو الميكانيك يتكسر. على عكس ما أبدو من خلال كلامي راني ضحاك 🤣 و فدلاك 😂 و نحب الجو و التفرهيد 😅 و التمتع بكل نعم الله 😊 و بيني و بينك من غير ما تشلق رومنسي زادة ☺. نسيت برشة كلام من الي كتبتو قبيلة لكن نتذكر سلبية ربما تكون عائق امام قبولك التعارف و هي أن وضعي المادي أخيرا متواضع فما نجم نوفر إلا الضروريات دون الكماليات و نتمنى يكون عقد الزواج أيضا في إطار ضيق.