محمود عوض عويس

صعب ان حد يتكلم عن نفسة بس باختصار لو اتكلمنا عن الجوانب الايجابية وانا لا احب ذلك من باب " ولا تزكوا انفسكم " ولكن فقط للضرورة والله يعلم صدقى 1- انا ادعى انى شخص صادق جدا وصريح جدا بس مش لدرجة السذاجة واكثر نمط من الناس بيضايقنى وبيخسرنى هو اللى بيلف ويدور ويستعبط ويكذب 2- ادعى كذلك انى حويط بس مش لدرجة الخبث 3-ادعى انى منظم ومرتب بس مش لدرجة التعقيد 4- اعتقد انى واضح بس مش اهبل 5-اعتقد انى ذكى بس مش لماح او المعى 6- عمرى ما بمد ايدى على واحد ست زوجة كانت اواخت او بنت بس مبحش ست تسيطر عليه او تمشى كلامها عليا بس انا طابعى حامى شوية اما الجوانب السلبية فهى بصدق كثيرة حدث ولا حرج اسال الله ان يسترنى 1- انا حد كثير السرحان والشرود لدرجة بتخلى اللى حواليه بيعتقد انى مش مهتم بيه او مش مركز معاه 2- انا حد بحب قعدة البيت جدا ومبحبش الفسح ولا لخروج الا للضرورة ومعظم خروجى زيارات للرحم والاصدقاء 3- انا معنديش ملكة تنظيم الوقت وبتاخر جدا فى مواعيدى الا المواعيد الهامة -امتحان - مقابلة - الخ- 4- انا فى المصاريف شخص حريص بس مش بخيل بمعنى انى بحسب كل حاجة جدا ومحبش اصرف الا فى المفيد وبدون مبالغة او بهرجة مالهاش عازة 5- انا ابن بلد طبعى وطريقة كلامى شعبية شوية مع انى بتكلم لغتين غير العربى بس عمرى ما انسيت انى ابن بلد واحيانا وقت الزعل او التهريج الزيادة بيكون كلامى بذئ شوية 6- لما باخد على احد وابقى على طبيعتى ببقى عفوى شوية وممكن ماخدش بالى من كلامى 7- المشكلة الكبيرة فى شخصيتى اللى بعانى منها واللى حواليه انا نفسى مشفق عليهم منها هو العصبية الشديدة والغضب اللى بيصل احيانا لدرجة الثورة : بس ده مش بشكل مطلق ولا على الصغيرة او التافهة ده فى مواقف معينة زى ان حد يكذب عليه او يلف ويدور او يستعبط او يخبى عليه حاجة مهمة او محورية حتى لو هتضايقنى افضل انى انجرح او اتضايق لكن متخدعش كمان لما حد بيتسلط عليه او يحاول يتحكم فيه لمجرد التحكم او يحاول يحرمنى من حريتى اللى ربنا وهبهالى كمان مبحبش حد يتعالى عليه او يتغطرس او يتكبر او حد يبتذنى ماديا او ذهنيا لو النقط دى اللى بتعامل معايا فهمها وتلاشها هيلاقينى قطة سيامى كيوت جدا اشكركم على الموقع الجميل ده واتمنى انى مكونتش تقيل