الحنية عنواني

انا 36 سنه بكالوريوس تجارة وشغال موظف حجز طيران وفنادق في شركة سياحة . سبب دخولي هنا اني عايز اللي ارتبط بيها تكون عارفة الظروف اللي مريت بيها وموافقة عليها. انا كان عندي اكتئاب لمدة كبيرة جدا وكنت معزول عن الدنيا كلها و مكنتش بفكر اتجوز واعيش لوحدي لان زي ماقولت كان عندي اكتئاب. حاليا الحمد لله باخد ادوية وبدات اتعالج واحب الدنيا بعد ماكنت مبحبش اي حاجه في حياتي. انا زي ماقولت كنت منعزل تماما عن الناس كلها ومنغلق علي نفسي. حابب اللي ارتبط بيها اشوف معاها كل حاجه حلوة وجديدة . لاني ولاكنت بخرج ولا عندي صحاب. اللي هرتبط بيها هتبقي كل حياتي و نفسي اشوف الدنيا معاها. الحمد لله مش ندمان علي العمر اللي ضاع مني لاني مؤمن وراضي بقضاء ربنا. انا جوايا حنية كبيرة قوي ونفسي اكون احن واحد للانسانة اللي هرتبط بيها. هكون حنين قوي عليا وهعمل اللي اقدر عليه عشان اخليها مبسوطة علطول. وربنا يوفق الجميع.