أريد الأمين

اول حاجة يكون كيصلي الي عندو مشكل فالصلاة على الوقت فبلا مايراسلني يكون على خلق بغيت زوج نفتخر به انه زوجي و نكون فرحانة انه يكون قدوة لوليداتي ، يكون عندو سكن خاص ماشي مع العائلة ، ميسور ،مكايتعاملش بالربا ، مامبليش ،يكون سليم الفطرة ، يكون تحت 40 ، مايكونش بغا يعدد ، بغا لوليدات ،يكون على قدر من الجمال الي يخليه مقبول فقط ، يكون مبادر فكولشي دائما الخطوة الاولى ديالو لانه هو القوام و هادو من شروط القوامة ، يكون ذكي عاطفيا و كيطلب الحاجة بصيغة زوينة ماشي بصيغة الامر حينتاش الي مكايعرفش يدوي صعيب نتفاهمو بزوج انا كنطلب الحاجة بعافك والى ممكن و الله يجازيك بالخير و ماكنطلبش بصيغة الامر و لو مع وليد صغيور و كنشكر على المجهود ولو بسيط نبغي يكون الزوج هاكا و احسن ، يكون سخي و بزاف حينتاش بطبعي سخية و كنكره البخل و مستحيل نعيش مع انسان بخيل ، يكون قد المسؤولية و نحس معه بالامان و هو الي واخد زمام الامور ، الرجل الي بغا المراة هي الي تخلص الماء و الضو و تتقدا برة و تدي الدراري للمدرسة و توقف على الخدامة و عاش فوسط بحال هاكا مغاديش نتفاهمو ابدا حينتاش هادو ادوار ديالو هو يتحمل مسؤوليتها ماشي انا . رجل مايكونش عندو عقدة الناس كتشوفيه والناس غادي تعيب عليه و الناس غادي يسمعوه بغيت زوج نعيش معه بلا قيود نضحكو و نشطو نخرجو نجريو نسافرو ناكلو برة يشد فيدي ماشي غادين بمتر ديال المسافة و خايفين من الناس تشوفنا و تعيب علينا كذلك مع العائلة.يكون عندو الخاطر انه تخطر لنا نخرجو فنص الليل نخرجو نسمعو الشتا نخرجو نتمشاو فيها الوقت الي خطر على بالنا نمشيو نسافرو ، ونعيشو صحاب قبل ازواج ، تكون عندو الهبة ديالو مع العائلة فالخدمة فاي بلاصة و مع اي واحد مكايعجبنيش الرجل لخفيف و الي كيجمع مع لعيالات و الي مكايتسالمش مع النساء الي ماشي محرم ديالو و ماعزيزش عليه جماعة لعيالات و يدخل فامور النساء و نقايمهم نبغي رجل كيترفع على هاد الامور، بيناتنا نتفلاو كيفما بغينا مع التزام الاحترام ،و له كامل الهبة و الاحترام و التقدير امام العائلة مكايعجبنيش المراة الي كاتطيح براجلها يكون تاج فوق الراس و بالمقابل ناخد نفس الاحترام و التقدير و نكون تاج فوق راسو يكبر بيا و نكبر به .يكون كاتم للسر ماشي فيه التعاويد للعائلة ديالو او صحابو او اي حد ،فحالة كاين اشكال نحلوه بيناتنا ماقدرناش نشوفو اخصائي العائلة آخر حاجة كان بيناتنا مشكل جاو عندنا الضياف من جهتي اولا من جهتو كننساو المشكل كنتعاملو عادي حتى يمشيو الناس و نحلو المشكل ديك الساعة ، الرجل الي فيه الغضبة و كيبغي المراة حزارة مغاديش نتفاهمو حينتاش هادو ماشي من شيم الرجال نهائيا مايكونش فيه قوة الملاحضة و كيدوي على كل صغيرة و كبيرة كيف قال الرسول صلى الله عليه وسلم اذا خرج أسد و اذا دخل فهد لانه من خصال الفهد انه كثير التغافل باش تبقى قيمة للامر الي كيعلق عليه ماشي رجل كيعلق على كل صغيرة و كبيرة مكايخليش لتعليقه قيمة، هدو بعض الامور الي نبغيها تتوفر فالزوج الكريم ان شاء الله الي مافيهش هادشي الي قلت بلا مايتواصل معايا الله يجازيكم بالخير