Amrm88

اسمى عمرو 38 سنة مهندس مصرى ، انا شخص مبحبش اللف و الدوران ، مبتكلمش كتير بس لو حد سالنى عن شئ او فتح موضوع بتكلم عادى ، انا مش حابب فكرة انى اطلب من انسانة انها تغير من نفسها علشان تناسبنى لاسباب كتير بحاول اشوف حد يناسبه اللى انا محتاجه و الطريقة اللى عايش بيها ، مقبلش ان زوجتى تلبس لبس مكشوف او ضيق او ملفت و مش هعمل فرح بالشكل المتعارف عليه فى مصر اللى فيه البنت ترقص مع زوجها قدام الناس لان المفروض اللى بيبدا شئ مهم عاوز ربنا يباركله فباى منطق يبداه بحاجة تغضب ربنا ، لو ربنا اكرمنى بزوجه فممكن نعمل عمرة او اطعام و اشهار طبعا فى مسجد او قاعة مسجد بس فى حدود ، انا بحاول امشى على السنة فى اغلب امور حياتى يعنى ببعد عن الربا ايا كان المسمى و اى حاجة فيها شبهه مش هقبل بمقترحات فى قروض او ودائع بنكية و شهادات ادخار تحت اى مسمى ، من السنة المفروض ان الراجل مسئول عن كل شئ ، فزوجتى مش مطلوب منها اى حاجة و ليها مهر ، مش علشان تجيب بيه حاجة للبيت مهرها هيا حرة فيه مع وليها ، و مفيش مؤخر لانه دين على الراجل واجب السداد وقت مايتوفر مش عند الطلاق زى ما اغلب الناس فاهمة فاللى هتطلب مؤخر هدفعه طالما قادر و شايفه مناسب ، انا بالنسبالى اى حاجة فى العرف تخالف الشرع محبش اعملها و مبيفرقش معايا الناس وجهه نظرها ايه ، انا محبش زوجتى تكون بتشتغل و لو حابة تشتغل تكون حاجة من البيت او فى اطار ديق حاجة تكون قريبة و متتاخرش فى الشغل عن العصر او تكون فى مكان امان اكون مطمئن عليها فيه ، الفكرة من البروفيل ، اولا معذرة الى الله سبحانه و تعالى انى بسعى مش معطل حاجة حلال ، ثانيا تجنبا للحرج و تضييع وقت اى حد فيه توافق مبدئي مع حد خير مفيش يبقا الحمد لله ربنا سبحانه و تعالى بيسبب الاسباب و كل حاجة ليها معاد.