خيالية ببساطة

أولا كده بسم الله يكون ملتحى ، غير مدخن ، طيب القلب أووووى ،حنون ،حنون ، حنون ، يهتم بمظهره ، نشيط ، رياضى ، منسق ، نظيف ، مش عشوائي ، حكيم ، هين لين ، مش معقد ، مش صلب ، حبوب بشوش ، لا ينشغل فيما لا يعنيه ، منشغل بعيوبه عن عيوب الآخرين ، حليم ، باختصار بتمناه إنسان ، إنسان مسلم بجد مسلم بهيئته بشكله بأسلوبه بحنيته بحكمته بمشاعره بطيبته بإلتزامه بحبه لدينه وأهل بيته ، بتمنى إنسان يفهمنى ويحتوينى يهدأ مخاوفى .إنسان يحسسنى بالأمان جداااا لأن مفتقدها أوى ، إنسان يعاملنى كطفلته المدللة اتدلل له بدون خوف أو كسوف ، إنسان يخاف على زعلى ويصر ويصر ويصر أن أكون له ، فلو أنت شخصيتك أنت وبس أو أنت أولا بلاش أرجوك تراسلني ، أعلم أن كل إنسان عزيزة عليه نفسه ولكن البداية دائما بتكون من الرجل ده لو أنت تشعر أنك تحمل صفة الرجولة ، وأنا بفتح الباب لكن مش على مصراعيه ،جوايا مشاعر كتير اوى مش هقدر اعبر عنها لكن منتظرة تكون البداية منك أنت ، يكون شديد الحياء فى كلامه "ما يلفظ من قول إلا لديه رقيب عتيد" ،،،،،، بمناسبة الناس ال مش كاتبة اى كلمة عنها حتى مخبية طبيعة عملها . أنا نفسي بجد استفسر منهم هو سيادتك منتظر حد يراسلك أو يرد على رسائلك بناءا على ايه ، حضرتك مقتنع انك كده اخذت بالاسباب راسم صورة إنسان طوله ووزنه وبلده وشكرا على كده ، دى ملحوظة لاحظتها فقط حبيت اعبر عنها ،