القندييل

لما نتزوج ؟ - في حاجة أعمق من كده… البيحصل في الزواج كعلاقة ثنائية، ما بيحصل مع أي زول تاني - إنت مع أمك في حدود احترام، مع أبوك في وضع معين حتى قعدتك ليهو محسوبة، مع أخوانك في روابط ما بتكون مجردة، مع أصحابك في مسافة… لكن الزوج-الزوجة؟ هو الوحيد… وهي الوحيدة العلاقة دي مختلفة… ما مجرد وجود زول في حياتك… دي المساحة الوحيدة البتكون فيها على حقيقتك بالكامل… بدون حواجز - - الناس فاكرة الزواج بس إشباع رغبات أو خطوة عشان نجيب أولاد… لكن ما متخيلين كمية الهدوء والسكينة البتجي منو… ربنا قال -مودة ورحمة-… ما قالوا لينا الكلام دا كفاية، وما ورونا إحنا ماشيين لشنو- وهنا المشكلة الحقيقية… ناس كتار بدخلوا الزواج وهم ما فاهمين عمقو… عشان كده أول ما يحصل احتكاك بسيط… يحصل تصادم لأنهم ما شايفين الصورة الكبيرة: الزول دا زولي… وأنا مفروض أبنيه والزولة دي مسؤوليتي… وأنا مفروض أحتويها ونخلق مع بعض حاجة جديدة… وهنا النقطة الأخطر والأجمل في نفس الوقت: الزواج الحقيقي ما “أنا” و”إنت”… الزواج الحقيقي لحظة يتحول لـ… “نحن” وهنا بيتخلق كيان جديد… كيان ما كان موجود قبل كده… كيان بتبنوه سوا… بمودة… ورحمة… وصبر… وفهم. المشكلة ما في الزواج ذاته، المشكلة في فهمنا ليهو قبل ما ندخلو الزواج ما مفروض يكون هروب من الوحدة، بل بناء لشخصيتين في كيان واحد لو كل زول داخل بعقلية “أنا داير آخد” بدل “أنا داير أدي” طبيعي يحصل التصادم لكن لمن الاتنين يفهموا إنو الهدف الحقيقي هو “نحن”... هنا بس بتبدأ السكينة الحقيقية