لاتخبريهم

كاين الذهب وكاين النقرة كاين الضحكة لي خارجة من القلب وكاين الضحكة -الصفرة . كاين لي يولى عزيز علييك من أول نظرة وكاين لي عزيز عليه حشيان الهضرة كاين لي باغي ليك الخير وكاين لي باغي ليك لمضرة فوجهك يضحك ليك وهو باغى يكويك بجمرة كاين لي حنين وكاين لى قلبو بحال شي -صخرة كاين لي على قبل بنت كاينسى الصحبة والعشرة كاين لي عزيز عليها التبرج والعرا -السترة وكاين لى عزيزة عليها الحجاب كاين لى باغيها بنت البلاد وكاين لى باغيها سويدية -زعرة كاين لي باغي يخدم وكاين لي باغي -يقرا كاين لي مكلخ وكاين لي موهوب بالفطرة کاین راجل مزيان وكاين لي عاطيها للجرائم -والشفرة كاين لي تابع طريق الله وكاين لي مبلي بالحشيش والغبرة . كاين لي كايلقا راحتو فالبيران والزهو والنشاط والسكرة وكاين لي كايرتاح من يمشي يحج ولا يدير -العمرة كاين لى ساكن ف فيلا وكاين لي كايبات برا. كاين لى ينعس على الحرير وكاين لى فراشو التراب وغطاه السماء والقمرة كاين لي عايش فالعز وكاين لى عايش -فالحكرة كاين لي فرحان وكاين لي كواتو القهرة كاين لي ديرو على الجرح -يبرا وكاين لي تبغى ضربو للراس -بحجرة .... نتمنى من الناس ياخدو من كلامي -عبرة حیت ماشی کلشی باغى ليك الخير وهادي هي الحقيقة -المرة !!