DesperateSearch

طيب و على دين و خلق بعد فترة استكشاف : اولا ؛ تقييم الوضع المادى واضح أنه مسألة نسبية و لكن من الواضح برده وجود سوء فهم عند البعض ... الناس اللى عائشة فى مصر الجديدة و المهندسين و حتى التجمع هما دول الطبقة المتوسطة ... اللى اه ولادهم فى مدارس دولية و احيانا حتى مجرد مدارس خاصة بس و نوادى و خلافه لكن فى الاخر هو له دخل مادى محدود و يمكن ميقدرش يحوش كمان ... الباقى طبقة الفقيرة أو الطبقة الدنيا من الطبقة المتوسطة ... انا فقير ... عندى شقتين تمليك اه بس ما زلت انتمى للطبقة الفقيرة بدخل اقل من متوسط دخول الطبقة المتوسطة ... انا فقير و عايز واحدة فقيرة زيى ... لانى جربت اعيش فى الطبقة المتوسطة و ماعرفتش ... لا مركز اجتماعى و لا مركز مادى و لا املك اى شىء .. بشتغل سواق اوبر -موتوسيكل- و ساكن فى دار السلام و عندى بنت و ولد و البنت مقيمة معايا ... تزوجت مرتين البنت من الاولى و الولد من التانية ... خريج علوم تخصص علم الفلك ... اتحدث الإنجليزية بطلاقة ... و عايزة واحدة فقيرة زيى بس ! حفظت القرءان الكريم كاملا فى شبابى و هو ما حفظنى من أن تسوء اخلاقى ... فلا أملك سوى الاخلاق و الفهم الصحيح للإسلام لاقدمه لشريكة حياتى و لا ارغب فيمن ترغب فى غير ذلك للاسف بدخن رغم ذلك. اه و اللى بتحب السفر و السهر و دول كتير اوى ... حضرتك مستنيانى ليه علشان تسافرى ماتسافرى يا ماما هو لازم انا اللى اسفرك !! ... ايه كمية التفاهة دى لما يكون هو ده الكلام عند اختيار شريك الحياة ... لا اخلاق بقى و لا دياولو المهم تسفرنى ... هههه ... و بعدين ترجعوا اشتكوا عند مروة عزام و اسامة منير ... ماهو حضراتكم بتختاروا بناءا على اى شىء سوى الاخلاق فانتوا عايزين ايه انا مش فاهم ! و مدعى الاخلاق سهل جدا كشفهم هى المشكلة فينا احنا و فى فهمنا للأخلاق !!!