Nur Elhude

السن يُفضل من 29 ل 35 -لقرب التفكير مع مراعاة إن الأمر قد يختلف حسب الشخصية.- ويكون لم يسبق له الزواج. من الضروري يكون غير مدخن، ومؤهل عالي علشان التوافق الفكري. من الناحية الدينية: - شخص بيتحرى الحلال والحرام في أفعاله وعمله، وبيتقي الله بالمعنى الحقيقي للكلمة يعني بيسأل نفسه قبل كل فعل لو عمله ربنا هيكون راضي عنه ولا لأ. - محافظ على الصلاة في أوقاتها، وبيحاول يتقرب لله على قد ما يقدر. - يعرف ما لا يسع المسلم جهله من أمور الدين من أمور المعاملات والصلاة والصوم، يعني بيعبد ربنا عن علم وبيسمع حاجات تقوي الجانب الإيماني ده. - بيكره الظلم والظالمين، ويهتم لأمر المسلمين. من الناحية الأخلاقية: - إنسان لين الطباع ومهم يكون مش سريع الغضب، عندي مشكلة حقيقة مع الناس اللي بتتعصب بسرعة أو على أسباب تافهة. - مرن وبيقبل النقاش. - مثقف وبيحب يستزيد من العلم ويفضل لو بيحب القراءة علشان انا كمان الحمد لله كذلك. - مهتم بتربية الاطفال تربية سوية سليمة وعنده علم بدوره كأب في ذلك، وياريت يكون بيحب الأطفال وبيعرف إزاي يتعامل معاهم بلين وتغافل.