m.a.m.55555

ست عقلها كبير ، عاوزه تعيش ، عارفه يعني بيت واسره وحياه ممكن تعيشها بحلوها وبمرها ، مرتبه ، حنينه ، مثففه. انا بجد مش عارف ايه الي بيحصل ، في هنا كميه كدب ابليس نفسه يقول انا معملتش كده ، ده مش تعليمي للبني ادمين ، بشوف ناس بتتنمر وتستخف مثلا من راجل عقيم ، هوه كان بايدو، ولا واحده لسه متجوزتش لحد دلوقتي ، هي جالها حد مناسب وقالت لا ، ولا ست مطلقه ، يعني هي الي طلقت نفسها وخربت بيتها ، ولا يلاقي واحده تحت العشرين عاوزه تتجوز ، طب وانت مالك ومال اهلك ، مناسب ادخل ، مش مناسب بلاش تستخف دمك ، لا وراجل بقي معدي الستين بيبعت لبنت فوق العشرين ، نعم يا خويا ، عاوز تعيش حياتك علي حساب ناس تانيه ، فاكر ان فلوسك تخليك تحضن ورده مفتحه وانت زي الصبار الي بيجف ، لا والست الي بتقولك انا عاوزه اكون انا المسيطره ، مسيطره ايه اتنيلي ، مش زمنه ولا ده وقته ، يا جماعه الجواز مش كده والله ، الجواز مشاركه وود وحب وتقابل فكري ومعنوي وجسدي ، مش كل حاجه جسد ، ربنا خلق ستنا حوا علشان تشارك سيدنا ادم حياته ، يعمرو الارض همه الاتنين مش واحد بس ، كان قادر يجعل سيدنا ادم ينجب ويخلف لوحده ، مثل ما خلقه من عدم ، لكن ربنا عاوز الونس والود والحب والمشاركة ، يارب تكونو فهمتو