أب وسند

الشخص اللى هيشاركنى حياتى ده مهما كانت درجة توقعه لـ حنيتى مش هيتخيلها ، حقيقي أنا مستنية أنى أعرفه جداً ، مستنية أشوفه ونتقابل وأتأكد أنه هو الـ Right person وأنه هو اللى هيتجوزنى ، مش عارفه ساعتها بجد هحبه أزاى ؟ هحبه بكل ما فيا ، هستحمله ، هقوله حاضر ، هسنده ، هنبقي صحاب ، هنخرج سوا ، هعمله surprises كتير جداً حتى لو كتبتله بوست وهديته ليه ، هيبقي أغلب كلامى معاه هزار وضحك ، هشوف أسم دلع ليه وأندهله بيه بينى أنا وهو بس . هيعرف تفاصيلي كلها ، مش هخبى عنه حاجة خالص ، ههتم بيه ، هسمعه كتير ومش همل ، أنا شخصية مُدركة أنه الدنيا صعبة وأنه أكيد قبلي شاف مُر وغُلب ياما ، فـ هكون أنا الركن الهادى اللطيف اللى فى يومه ، هحضنه كل ما أشوفه ، هأكله بأيديا ، وهعمل كل حاجه تخليه مبسوط ومرتاح ، هخليه يبقي مكتفي ذاتياً بيا من فرط حنيتى وحبى ليه ، هكون الأم والأخت والزوجة وكل الناس ليه ، سرنا مش هيطلع بره منا أحنا الاتنين . هضمه وقت فرحه وحزنه وكل الأوقات ، هننزل شوبنج سوا ، هنلعب سوا ، هعمله قهوة وشاى من غير ما يطلب ، هعمله كل يوم أكل جديد ، ولو كانت ظروفه بسيطه هعيش باللى معاه واللى فى جيبه مهما كان قليل كفاية عليا أنه هو يبقي مبسوط وفرحان ، أنا عايزة أطمنه والله وأقوله القدر شايلك هدية حلوة أوى ، هكون عوضه عن أى حاجه وحشة شافها ، هبقي معاه لحظة بلحظة مش هسيبه للتفكير يهلكه ، هطمنه وكل شويه هقوله بحبك ، عندى كلام كتير حلو وأفعال أحلى مش هتظهر إلا لما يظهر هو ويجى ليا ينورنى وينور حياتى ، لأنى حقيقي بحبه حب عظيم ، اكتر من حبى لنفسى ، بحبه من قبل ما أعرفه والله . منقولة