bestps7

هو اخويا زى القمر وو شه مبيض مشوب بالحمرة .كل ما هناك انه مبتلى ولله الحمد هو على كرسى متحرك مش مشلول ولكن مش بيمشى تقريبا.هو بكرب الان ومحتاج شريكة حياة ياريت نلاقيله حد. حتى انصحونى المفترض اعمل ايه مع الدعاء لاجد له عروسة.ياريت تساعدونى لكشف كربة اخى ال يعرف خطبة او عروسة او مشروع زواج يقول , او من لها معارف بدار ايتام او بحلقات الجوامع ,صلة القرابة اخى الاصغر السن 29 سنة الجنسية مصر الاقامة الاسكندرية الشعر اسود خفيف العين سوداء الجسم محتاج علاج طبيعى ولكن عادى يعنى الوزن 80 الطول175الى 180 اللون ابيض مشوب بالحمرة لغة 2 انجلش درسته لسنس حقوق. وعاوز يكمل درسات عليا العمل : عنده شركة خضار وفاكة يديروها اخوته وبيطلعله نصيبه من الارباح.ورثها عن ابوه رحمه الله.وساعات بينزل والشغل بتاعهم محتاج تسويق على النت ولكن عمرو محتاج حافز الديانة: مسلم على منهج اهل السنة الحالة الإجتماعية اعزب يوجد أطفال: لا يرغب في إنجاب الاطفال:بحسب الاتفاق متوسط الدخل :1000-2000 شهريا غير اكله وشربه والكهربة والغاز لانه مقيم مع ولدته الطيبة اوى وظيفة الوالد: رحمه الله وظيفة الوالدة: ست بيت الاشقاء: الذكور: الاناث 4 ذكور 3متجوزين ومنجبين و 1 انثى عمرو الاصغر مستوى التدين :ملتزم دون تزمت ملتحي: حاليا لا مدخن: لا السيارة: لا يملك بس عربيات اخواتى تحت امرى الشقة: ورث عن ابى شقة وسعة فى مكان نضيف سموحة 200متر الفترة اللازمة لاتمام الزواج: شهر خطوبة بس ثم كتاب اى معلومات اضافية: *صحيا عمرو تمام ولله الحمد ولكن مشيته مش متزنة(زى السكران). ومن ايام كليته وهو على كرسى .بيتحرك طبيعى لكن لو مشى عيقع كاثر لمرض عدم الاتزان . مرض ولد به مش وراثى ولكنه اثر على مشيته بس *المرض بيقولو انه له علاج تحت الاختبار باوربا ولكن انا عاوزله زوجه تقبله بمرضه ولو مخفش *بيخرج ويحب يخرج ويتفسح وسينمات ومطاعم ومساجد وانوى يحج ويعتمر بعون الله لكن لازم مرافق يزق الكرسى.يمكن هوا مش لاقى حد بس هو بيكسف اوى لانه طيب اوى وميحبش حت يتقل على اخواته.ومستنى زوجته تخرج معه *ليه عاوز يتزوج؟ لامور كتير على رائسها انه عاوز حد يملى وحدته ويكمل معاه الطريق ويحب ويتحب.ويدخلوا الجنة سوا بعون الله *قرى فتحة مرتين اخرهم من كام شهر بنت حبته وحبها لكن متمش الامر لاسباب فالبنت سلوكيا كانت مش اوى كانت حلوة اوى وصغيرة اوى كمان بس الالتزام والاخلاق *عمرو دى حياته ويفعل مايشا طالما اطماءننا عليه.فاخوته دورهم المشورةلكن دى حياته يفعل مايريد *جنسيا:سليم ولله الحمد .طبيعى الدكتور قاله روح دور على عروسة وخلف *هو شخصيته خجولة ومش اجتماعى ونفسه يتغير اوى وعلشان كده بيدور على زواج ووحدة يتغير معها, ايا كان الامر ما احب ان اقوله انه طالب خطوبة شهر للتجربة لو كده نتمم الامر *هو بيخرج اه لكن للقاء الشرعى والروئية فى كلام تانى فياريت تقدروا ظروفه المرضية بحيث تتم الروئية عندنا فى البيت *هو يريد البت بهدمتها بس. والباقى على الله ثم عليه.فهو كما يقال عريس جاهز من كله .الشقة موجودة ومفروشة يعنى حيجدد اودة النوم بس,والمرتب الثابت موجود واى اسئلة عنه تحت امركم * ليه مش بيشغل على الاقل يتلهى فى موال الشغل ويحقق ذاته؟ اولا مرض عمرو اثر فقط على مشيته لا غير.اما باقى جسمه شغال بفضل الله ثانيا عمرو اخويا كما اجمع الكتير محتاج حد يدفعه للامام ويكون حافز وسند ليه..حد يعيش له فهمانى.وهو نفسه يتغير ويشتغل ويعمل حجات كتير بس محبط من كتر محاولته وفشله.هو حتى بيكسف ينزل مع اخواته.هو زى ماقال محتاج ريسترت لحياته * لا يشترط فى العروسة الا 1-ان تكون بنت ملتزمة او على قدر من الالتزام او اقله بتصلى ولكن تكون طيعة لاسيما بامور الدين 2-ان تكون من الاسكندرية .او لو من خارج اليكس تكون متفهمة ظروفه وانه صعب يسافر. اه ممكن يشوفوا بعض على النت ممكن تليفونات وبعدين يرسل اخواته وبعدين تيجى زيارة للمقابلة 3 الا يكون لديها ولاد 4-تكون رشيقة او مش تخينة. وسليمه لان هو تعبان ومحتاج حد سليم او لو فيه اعاقة متكونش وضحة يعنى مثلا لو مش بتنجب او بتهته ............... 5-يفضل ولايشترط ان تكون على قدر من الجمال والتعليم وان تكون اصغر منه 6- كما يفضل ان تكون فقيرة ماديا وتعليمها متوسط وان تكون يتيمة .لنيل الاجر والثواب تصدق وكمان كفل يتيم وكان زواج *5-6 ليست شروط فممكن نتغاضى عنهم