ta7iamsr3times

أحب الملتزمين ولست منهم احفظ ما تيسر من القرآن الكريم. أحاول جاهدا الاقلاع عن التدخين .بسيط جدا ومتسامح .سهل جدا .أحب جدا البساطة في كل شيء قليل الكلام معظم الوقت بس بحب الضحك وأوقات بيبقي دمي خفيف أه والله ومش عايزك تقلقي خالص .دوغري ما احبش اللف والدوران.شغل الواتس والشات مش بحبه خالص والتعارف اكيد يكون أفضل بالرؤية المباشرة بعد التعارف المبدئي .الوقت كسول أحيانا.صبور جدا .البحر حياتي وهوايتي الوحيدة اللي أتمني تشاركيني فيها. ماديا الحمد لله مستورة مش متيسر ولا غني .كل ما أملك الآن متوقف لا أستطيع التصرف فيه عشان خاطر قوانين التصالح والبناء المستجدة بالتالي حنفرش بيتنا-إيجار حديث- بما تيسر علي ذوقنا مع بعض ومش طالب منك اي حاجة نهائيا في هذا الإتجاه .وبما أنه فرصة عثوري علي من تناسبني ضئيلة جدا معنديش مشكلة أنتقل للقاهرة أو الجيزة أو مرسي مطروح . مستحيل ارتبط بحد كان فرحان في دم إخواتنا المصريين في رابعة أو غيرها أو الجيش والشرطة فدم المسلم علي المسلم حرام لا انتمي لإي حزب أو جماعة ولكني أكره الظلم والحمد لله كان لي وجهة نظر صائبة لما يحدث الآن.الوظيفة عقيد مهندس بالمعاش وحاليا بشتغل اوبر بعض الوقت.