اتقوا الله11

لو سمحتم اى حد يستظرف ويعمل اعمى ومش شايف ان الست دى عندها اولاد مايدخلش عندى اصلا عشان ياحرام مايتفاجاش ان عندى طفلين ويتصدم ياحرام ثانيا انا مش هتجوز حد اصغر منى يعنى مفيش واحد اصغر منى يدخل يدينى درس فى المشاعر والاحاسيس ويقول انا هرجعك صغيرة متشكرة جدا روح رجع والدتك انا اعرف ارجع نفسي صغيرة لوحدى مش محتاجه اخد نصايح من اطفال ثالثا مش هتجوز راجل متجوز ومحدش برضه يدخل يقولى هاتفضلى قاعده ومش هتجوزى ومش هتلاقي حد مناسب وسنك كبر متشكرة برضه جدا اقعد براحتى انا مش قاعده على قلب سعادتك اقعد من غير جواز افضل بكتير مااكسر قلب ست زى مالهاش اى زنب غير ان جوزها عينه فارغه رابعا الناس بنوع الموقع تقيل ومش عارف ابعت ومش بفتح النت كتير وهو اصلا ليل نهار فى النت وكل دى حجج فارغه عشان يطلب الموبايل انا مش هروح واتس الا لما اطمن واتاكد ان اللى بيكلمنى مناسب ليا يعنى انا اللى احدد امتى ادى موبايلى للناس خامسا ياريت تقروا شروط الموقع وتطبقوها وتتعاملوا مع الستات الموجوده على انهم اخواتكم او بناتكم اتقوا الله فى بنات الناس ربنا رقيب على كل خلقه اخيرا بقي الشباب الفاشل واللى قطر الجواز فاته اصلا من مليون سنه عشان قاعد على النت يلعب بمشاعر بنات الناس ويحط صور مش بتاعته ويقول مواصفات مش بتاعته بدل ماتعمل كده روح اشتغل وصلح من حالك والحق اللى فاتك بدل ماتكمل حياتك فى معصيه اتقوا الله لعل الله يجعل لكم مخرجا وشكرا للناس المحترمه المظلومه بين الناس الغريبه دى