عادل عزيز كاش

اولا، ربي يسهل للجميع -إستثناء اللي داخل يفلم من الرجال و النساء-. ثانيا هذي خلاصة بحثي لنفسي و مانيش ولي لغيري باش نختار في بلاصته. مراة سلفية عارفة اش معناها السلفية، يعني موش النقاب و نوقفوا غادي. السلفية إعتقاد أولا و قبل كل شيئ. الستار الكامل، حتى النقاب في داري غير كافي، الستار، الستتتتار. طبعا إذا كان توا في دار بوها ما تلبس الستار مع الاستعداد للبسه موش مشكلة. النساء المودرن حتى مع النقاب و السلفية ما تناسبنيش، بمعنى المراة اللي تحب على راجل من غير عايلة والدين و اخوة و خوات و عمات و خالات. ما عنديش حاجة في مخي اسمها الاستقلالية عن عايلتي بالمفهوم الموجود اليوم. يوما ما إن شاء الله يا ربي انا و مرتي و صغاري خدم لوالدي. اللي تعرف روحها موش متاع هالجو، ما تناسبنيش حتى لو كانت سلفية طالبة علم تلبس الستار. ربة بيت بيت بكل ما في الكلمة من معنى- فبحيث المراة اللي تخدم و اللي تلوج على الخدمة و اللي مضطرة تخدم ربي يعاون اما انا هذي موش عقليتي. اللي عندها مشكلة مع قوامة الرجل، فبحيث لو كان يعطيه ربي عشرة صغار، شرع ربي هو اللي عطاه الحق يسميهم بنفسه و المراة تسمع و تطيع و غير ذلك من لوازم القوامة الحقة موش قوامة بورقيبة و المؤسسة الدينية الرسمية و قوامة الاخوانجية و هلم جرا. لا القوامة الحقة، الراجل سيد البيت هو اللي يقرر وقتاش يوسع الدار على خاطر هو اللي يصرف و يقرر وقتاش يشري كرهبة و قتاش و كيفاش و علاش. الخلاصة، ولو كانت سلفية اما عندها مشكلة مع عالنوع من البيوت، ربي يسهللها، اما انا تناسبنيش. ولله الحمد، ما نيش مشحاح حتى طرف و الله يعلم احب حاجة لقلبي نوسع على اهل بيتي على قد فلوسي أن شاء يبدى اللي داريين بي كلهم محتاجين،أنا نعطي لاهل بيتي فقط و لا ابالي ما دام اهل بيتي فرحانين خصوصا والدي، ومع ذلك ما نرتاحش للمراة اللي ما تشبعش و ما تصبرش على الدنيا على اساس اللي العرس ما فيه الرفاه، لا فيه فقر و لا فيه مرض و لا فيه مصايب سنة ربي في الخلق. النوع هذا من النساء، وقت اللي تدور عليك الايام تمشي و تخليك أو على الاقل تكرهك في العيشة. الخلاصة، مراة عارف قدر الراجل قبل ما تعرف قدرها و مكانتها هي. فبحيث إذا كان راسلت وحدة ظنا مني انها مناسبة وهي موش عقليتي، الرجاء تتجاهلني ولا ما تردش علي والا ترد علي بالرفض المهم ما تغشنيش. ربي يسهل للجميع