حياة شيم

نحب شريك حياتي يكون قبل كل شيء إنسان يخاف ربي وعندو أخلاق ومبادئ، صادق وواضح معايا، يحترمني ويقدّرني ويعرف قيمة المرأة اللي معاه. نحبّه يكون مسؤول، طموح، يخدم على روحو ومستقبلو، وما يكونش استغلالي ولا يستنى المرأة تصرف عليه أو تتحمل وحدها مسؤولية الحياة. نحبّه يكون حنون وحنين، يسمعني ويفهمني ويكون سند ليا في وقت الشدة قبل وقت الفرح، ويعرف يحل المشاكل بالحوار والتفاهم موش بالعنف والإهانة. نحب العلاقة بيناتنا تكون مبنية على الثقة والوفاء والاحترام المتبادل، وكل واحد فينا يكون عندو طموحاتو وحياتو أما في نفس الوقت نبنيو مستقبلنا مع بعضنا. بالنسبة ليا شريك الحياة الحقيقي هو الشخص اللي نحس معاه بالأمان والراحة، نكون على طبيعتي من غير خوف، ونلقى فيه رجل يقدرني ويوقف جنبي ويشوفني شريكة حياة موش مجرد زوجة أو مسؤولة على خدم الدار.