🌺 أقتربى 🌺

انا راجل متعدد الشخصية .. لكن فى العموم شخصية قيادية مسئولة .. و طبيعى انى اكون حازم و صارم لو لزم الامر . رحيم جدا و قاسى جدا و دا بيحدده اللى قدامى . ما احبش الغدر و لا الخيانة و لا قلة القيمة . و باحاسب عليهم بدقة مؤلمة . انا شخص عقلانى جدا .. قارىء كاتب مفكر متأمل رسام و شاعر احيانا . لكن مش خيالى ابدا . بحكم ان دراستى و شغلى هندسى باحسب الامور بالورقة و القلم . قراراتى و افعالى غير مألوفة ولا تتوقع . باعرف اللى بيدور فى دماغ اللى قدامى من غير مايتكلم . الحكم عندى فى امور الدنيا كما امر الله و رسوله و مش باقبل بغير كده . اللى يرضى ربنا يرضينى و اللى مايرضيش ربنا ما يرضنيش . بحب الاطفال و كبار السن .. و هما كمان بيحبونى بسرعة ... عندى مبادىء و ثوابت لا احيد عنها ابدا فى كل امورى . غيور على كل مايخصنى . من اول مسئولياتى لحد قلمى اللى باكتب بيه . ما باقبلش حد ينوب عنى فى دور او حاجة المفروض انا اللى اقوم بيها . عايش لوحدى من زمن .. عندى ولاد كبار بعيد عنى و عايشين حياتهم - اللى بيكتفى بيختفى - . حاجتين بحبهم و محبش استغنى عنهم التدخين ... و الحاجة التانية هى سبب وجودى هنا . شخص محترم ومحبش السوقية و الالفاظ البذيئة الا فى وقتها المناسب . حاليا مش باشتغل .. عاطل .. بقالى 7 سنين ... لكن الحمدلله ماقصرتش ابدا فى اى مسئولية . ربنا كريم عظيم .. الحمدلله . عندى حاجة مهمة .. انا بانام بعد صلاة العشاء و باصحى قبل صلاة الفجر . دا اسلوب حياتى . انا انسان اصلى فى كل حاجة تقدرى تعتبرينى برند . و مش باستعمل و لا اتعامل غير مع الاصلى .. انا راجل قليل الكلام .. ما بحبش الدوشة .. باتكلم بافعالى . مش باقبل اشغل مراتى مسألة كرامة و نخوة . فيه حاجة مش عارف مهمة اقولها و لا لا ..... بقالى 7 سنين ماروحتش لحلاق ... انا حساس جدا.. مش بارتبط بسهولة و مش بافرط بسهولة . انا عايش فى دنيا ما اخترتش حاجة فيها .. و جوايا دنيا انا اللى مختار كل الى فيها . الحلم دايما هو انى اخرج الدنيا اللى جوايا علشان تكون هى الدنيا اللى انا عايش فيها .