ملك عم

يلا بسم الله قلت لي مواصفات شريك حياتي أولاً : الخُلق والدين والتقوى والأمانة يكون متصف بالصفات دي يكون طيب معروف بي الخير محافظ على صلواته واللي بيكون صالح في خُلقه ودينه ح يحقق لي السعادة اللي أنا بتمناها طبعًا ثانياً : إنو يكون بالنسبه لي صديقي أكتر من كونوا زوجي لأنو الزواج ما بس إشباع رغبات، دا عمر كامل أنا ح اعيشه معاه ف لازم يتبني علي التفاهم والحب والإحترام، ويكون حنون وعطوف لي درجة بعيدة معاي، ويشجعني ويدعمني معنويًا ويحترم شخصيتي، يسمعني في حالة الفرح والحزن، يقدر يحل معاي مشاكلي بي هدوء بي هدوء بي هدوء دي أهم حاجة لاني بخاف شديد من الجوطة والصوت العالي ثالثاً : الثقة، بعتقد إنو دي اساس اي علاقة . رابعاً : والأهم يحترم قرايتي ويتفهمني ويفهم وضع قرايتي وشغلي لي حد بعيد وبس دا بالنسبة لي كافي م بتهمني الشكليات ولا الوسامة ولا الحاجات التانيه لو على الملامح بتزول الكلام كلام الروح. أنا محتاجة شريك حياتي يكون أبوي وأخوي وصاحبي وحتى ولدي كمان عشان يملئ النقص اللي في حياتي لانو انا فاقده الحاجه دي ، ف أنا محتاجة سند حقيقي بس عشان الدنيا دي بقت ما معروفة