Selim86

قبل الحديث عن مواصفاتها رقم واحد تكون "زملكاوية" و لو والعياذ بالله مش زملكاوية و طلعت منهم .. يعني أهلاوية لا قدر الله .. يبقى تحترم نادي الزمالك و تكون فاهمة كويس جدا ان نص حياتي متابعة لمباريات الزمالك .. و بلاش استفزاز لو طلعت ليها في الكرة .. ندخل بقى في مواصفات الإستاذة المحترمة اللي هتتشرف بمعرفتي و يا بختها لو اتجوزتها 😏 .. مش عارف ليه بس احتياطي لازم اقول كدة .. اولا لازم تكون فرفوشة مش نكدية أبدا 👊🏻🤨 مش بحب البنات المادية عشان هم يعععع .. و تكون دمها خفيف و ظريفة بتحب الحياة جدا جدا جدا و بتحب السفر .. قعدة البيت مش سكتي من اولها عشان ما تزعلش من بعض .. و تكون سريعة في حياتها مش بطيئة و بتعرف تطبخ حلو بس اكيد مش هتطبخ احلى مني عشان أنا طباخ شاطر جدا تكون الهانم جادة بزواج شرعي على سنة الله و رسوله .. لا مسيار و لا بتنجان و خيار و مش داخلة تتسلى عليا 🤨 عشان في حريم فاضية للتسلية و داخلين البرنامج بيزنس ✋ تكون متعلمة تعليم جامعي اقل شىء و مثقفة جدا و بتعرف تتكلم في مواضيع مهمة و مش تكون تافهة مع اني بحب البنت التافهة ساعات بس لو دمها خفيف 😁 و طبعا بتفهم في كرة القدم حتى لو على خفيف و بنت أصول و مقبولة من حيث الجمال و مفيش مشكلة لو جميلة جدا و لو ملكة جمال اوك مش هرفضها عشان أنا كمان جميل و قلبي طيب جدا و المهم عندي قوة الشخصية و ممنوع دخول النكد عندي تماما 🙅‍♂️ مش ناقصين هم بالامانة يا نكديين 🤨✋😏 ضروري تكون بتحب أفلام السينما بالذات و الفشار شىء أساسي و البيبسي يكون دايت عشان مش بحب البنت التخينة عشان لازم تكون مهتمة بنفسها جدا و أنا كمان بحب اهتمّ بنفسي و بلبسي و بشكلي و بسيارتي و تكون رياضية حتى لو بتحب المشي عشان صحتنا مهمة .. تكون متدينة و مش تكون متعصبة دينيا لان الحياة وسطية .. ضروري جدا جدا جدا تكون ناجحة حتى لو ربة منزل و عندي تحذير ⚠️ المستفزة مش بحبها و عموما لو كل المواصفات دي مش موجودة مش مشكلة لو عندها قلب طيب و نقي 😃🤍 لان اللي عندها قلب طيب و نقي يبقى فيها كل مميزات الدنيا حتى لو محدش شايفها حلوة ✋🌹❤️