هل.ترانا نلتقي

أريد زوجة -صالحة- متدينة.. راضية بشرع الله .. محبة للحياة.. همها رضى الله و الجنة.. و التمتع بنعم الحياة بطاعة الله.. تحب الخير لكل الناس و تحب تسعد كل الناس .. تحرص على إرضاء زوجها.. عاقلة، متفهمة، فرفوشة، ذكية، رومانسية، نشيطة، مش مهم بتعرف تطبخ، أنا حعلمها 😊 أو نشتري جاهز لحد ما ربنا يفرجها و تتعلم.. 😊 .. في المجمل أريد زوجة بمعنى الكلمة تفهم كلمة مودة و رحمة و رضى الله و الجنة.. ياريت الأخوات يقراؤا للنهاية.. لأني بجد والله مستغرب مدى الكره أو الرفض للتعدد.. ليه بجد كدا...؟ للدرجة دي قدرت المسلسلات و الأفلام تدمر عقولنا..؟ .. اللي بتقول عايزة جوزي ليا و بس.. هو في حد قال لحضرتك أن المتزوج زوجة واحدة.. بيكون ليها و بس..؟ إذا افترضنا أنه محترم وبيخاف ربنا و مبيعرفش ١٥ واحدة.. فحيكون عنده اصحابه و أهله و أمه و أولاده و شغله و و و.. أما عن قلبه.. هل تظني أن قلب النبي محمد صلى عليه عليه و سلم.. مكانش مليان بحب عائشة رضي الله عنها.. و متقوليش .. احنا فين و النبي فين.. لأنه جيه عشان يعرفنا نعيش إزاي تحت شرع الله.. يا أختي أقسم بالله العظيم التعدد فيه علاج لملايين المشاكل في المجتمع.. نسبة الأرامل و المطلقات و اللاتي تزاوجت سن الزواج بالملايين.. شيء مخيف.. الفتن مالية مواقع التواصل.. الشباب مبقاش معاه يتزوج.. و الفساد كل يوم بيزيد.. انا ضد أن حضرتك تتزوجي إنسان فاشل و ضايع.. سواء كان أعزب أو متزوج أو أيا ما يكون.. لكن.. انا مع أن حضرتك تختاري صح.. ايه المانع يكون إنسان ناجح و منفصل و أولاده مع طليقته أو أرمل و عنده أولاد.. أو متزوج وعايز يعدد..؟ إذا كان فيه الصفات اللي حضرتك تتمنيها.. حضرتك حتلاقي فين إنسان عنده ٤٥ أو ٤٠ أو حتى ٣٥ و لم يسبق له الزواج..؟ يا أخوات يا أهالي سهلوا الجوااااااز عشان تحموا اولادكم و بناتكم من الضياع.. بشرط.. أنه يكون إنسان راجل و ملتزم و يستحق أنه يكون زوج بنتك.. و بالله عليكم مفيش واحدة تزعل من كلامي.. أقسم بالله العظيم إني بتكلم عشانكم و عشان الشباب الملتزم المحترم مش عشاني.. و الله المستعان