كريم.120

أنا ك، 40 سنة، بشتغل في المجوهرات وخريج معهد فني. شغلي علمني أكون دقيق وصبور، وبحب أكون واضح وصريح مع الناس. أنا أصغر إخواتي، وعندي اتنين أكبر مني متجوزين ومستقرين. الحمدلله عيلتنا مترابطة ومتفاهمة. حالياً عايش مع والدتي في شقتي، والشقة دي مجهزها عشان أبدأ فيها حياتي بعد الجواز. وبعد الجواز هيكون متفق إن والدتي تعيش مع إخواتي عشان تبقى وسطهم ومرتاحة. متجوزتش قبل كده ومخطبتش أصلاً. قريت فاتحة مرة واحدة ومتمتش، وده كان نصيب. نيتي جدية، بدور على استقرار وحد يتقي ربنا فيّ وأتقي ربنا فيه. شخصيتي هادية ومش بحب اللف والدوران. بحب أخرج أغير جو، وفي نفس الوقت برتاح للقعدة البسيطة مع ناس مريحة. بدور على بنت أصول وجدعة، دمها خفيف، بتعرف الأصول وتحترم العشرة. الحمدلله شكلي مقبول، بس الأهم عندي النية الصافية والاحترام والتفاهم.