على_نهج_المودة

رسالتي لزوجتي المستقبلية 💓💓💓💓💗 ملي نتعطل فالزنقة حيدي من بالك نخونك حيت غنكون كنبغيك نتي بوحدك من وسط أمة النساء فهاد الدنيا؛ واخا يوقع لي وقع مغديش نخونك حيت راجل والرجال مكيخونوش والراجل كيكون وفي لمرتو بوحدها. ❤️ممنوع منعا كليا أنك تخرجي بلا خباري لحتا بلاصة واخا لدار باك تاتشاوري معايا ديك الساعة أنا نديك فينما بغيتي مهم متخرجيش بوحدك ولا بلا خباري رجلك على رجليك.منبغيش تقيسك حتا شوكة داكشي علاش أنكون ديما فجنبك. ❤️فالدار لبسي لي بغيتي الله يجعلك تلبسي غي دوبياس معنديش موشكيل حيت أنكونو بوحدنا حيت نتي ديالي بوحدي. ولكن منين تخرجي معايا لشي بلاصة منبغيش سنتمتر واحد من لحمك يبان أتكون لباسك مستور وخلاص فالدار لخبار فراسك 🤭 ❤️مغاديش نشد منك مودباص ديال الفايس حيت بيناتنا الله وغنكون تايق فيك بزاف كتر من راسي ؛ هضري معا باك خوك عمك خالك مرحبا شي قرد آخور لا وخا يكون ولد العائلة حتا لكانت شي حاجة إيرجونس ضرورية حتا نكونو بزوج مرحبا ❤️ خاصك تصلي فالوقت مغاديش نخليك تجمعي عليك الصلوات غادي نتخاصم معاك ❤️منين نكون كنتخاصم معا ولادي على ود مصلاحتهم نتي دخل سوفغ راسك حيت أنا باباهم وبغيت ليهم مصلاحتهم وأنا كذاك ملي نشوف كتخاصمي معاهم غندخل سوق راسي حيت ولادك حتا نتي. ❤️داركم من حق تشوفيهم وقتما بغيتي ماشي بالضرورة حتا الأعياد مي نمشي معاك ولا بغيتي تبقاي شي 3 أيام ولا معليش. ❤️ملي نكون مقلق منك ومعصب غي قلبي عليا حتا مبرد مبغيتش نقولك شي هضرة تجرحك وندم من بعد حيت عصبي ولكن والله حتا حنين بزاف ❤️داكشي لي بيني وبينك أيبقى بيني وبينك ممنوع تمشي تعاودي شي حاجة لحتا مخلوقة وخا مك ولا ختك الأمور الزوجية تبقا فالدار. ❤️مبغيتك تخبي عليا والو وانا نفس الشيء وأي موشكيل لقاو لي لحل بزوج بإذن الله إلى طحتي نوقف معاك وانا كذلك . ❤️مغيار وأناني فحبك وأي حاجة كتعلق بيك ومنحملش أي حاجة تشاركني فيك. ❤️بغيتك تكوني مراتي وختي فنفس الوقت شوية من الواليدة بغيتك تكوني سند ليا فالحياة خصك تبغيني كيف غنبغيك تا أنا وعمرك تبغي ليا شي حاجة خايبة وخا نكونو مخاصمين حيت ضروري من المخاصمة نتخاصمو ولكن جامي نتفارقو. ملي تمرضي لقدر الله راها ضروري أنعاونك فكولشي حيت ضروري راك كلشي فحياتي