بعشق تراب مصر

السلام عليكم اولا انا لا أقبل التعدد ثانيا لا أقبل الزواج من رجل أصغر مني سنآ ثالثآ وده الاهم من فضلكم اللي طالب زواج مسيار او بدون أقامه كامله او زوجه لأوقات المتعه فقط ياريت متبعتوش رسايل لأنكم هتتهزءوا وبلوك بعدها معلش ماهو انا عاوزه اتجوز راجل يكون ليا ضهر وسند مش راجل عاوز يتمتع ساعتين تلاته كل كام يوم اسفه علي جرأتي في الكلام ولكن غصب عني اقسم بالله انا شوفت هنا علي الموقع ده بلاوي اللي يقوللي اجيلك يومين تلاته في الأسبوع واللي يقوللي زواج مسيار واصرفي علي نفسك واللي يقوللي مافيش بيت وامكانياتي متسمحش اجيب شقه وافرشها امال عاوز تتجوز ليه حضرتك لما انت شحات ومش لاقي تاكل تاخد بنات الناس تبهدلهم معاك ليه ولا علشان انا في امريكا عاوزني اصرف علي حضرتك ههههه ياريت ياجماعه بس تحترموا بنات الناس حرام عليكم والله تفتكروا يعني انا عايشه في امريكا وحياتي مرفهه جدا هل انا محتاجه اسجل في موقع زواج علشان اهزر او العب لا والله اللعب هنا كتير اوي واقدر اعيش حياتي زي ماانا عاوزه ولا حد هايقوللي بتعملي ايه احنا في بلد الحريات وكل حاجه هنا عادي ولكن بفضل الله انا عايشه هنا بشرفي وأخلاقي وتربية اهلي تربية مصر مسلمه واعرف ديني كويس رجاءا عاوزه اتجوز راجل بجد يعرف يعني ايه زوجه وحقوق زوجه ويكون ليا عوض وسند وضهر ليا يحميني من الدنيا وبلاويها اسفه علي الاطاله بس بجد من زهقي وربنا يوفق الجميع يارب