R355

أنا هنا بدور على بنت الحلال اللي تكون جادة فعلًا في الزواج، مش مجرد تعارف للتسلية أو قضاء وقت. نفسي ألاقي إنسانة يكون بينا تفاهم ومودة واحترام، ونبدأ مع بعض خطوة بخطوة، ولو حصل قبول ونصيب نبني حياة مستقرة ونكون سند لبعض. أنا واضح من البداية: هدفي الزواج، مش المساعدة المادية أو الدخول في علاقات من النوع ده. عشان كده وقت التعارف مافيش داعي تحكيلي عن ظروفك المادية أو احتياجاتك المالية، لأننا لسه بنتعرف على بعض. لكن لو حصل نصيب وتم الزواج، ساعتها أكيد الوضع بيختلف؛ إنتِ هتكوني زوجتي وشريكة حياتي، ومن الطبيعي أسمع همومك وأهتم باحتياجاتك وأساعدك وأقف جنبك، لأن الزواج عندي مسؤولية ومشاركة وسند بين الطرفين. فلو إنتِ مش جادة في موضوع الزواج، ياريت ما نبدأش تعارف من الأساس، وكل واحد يحترم وقت التاني. أما لو إنتِ جادة وبتدوري فعلًا على شريك حياة، فأهلًا وسهلًا بيكي. نتعرف بهدوء واحترام، ونشوف هل في توافق وقبول بينا، وربنا يكتب الخير والنصيب. أنا مش بدور على الكمال، بدور على إنسانة صادقة ومحترمة وجادة، ونكون مناسبين لبعض ونقدر نبني حياة حلوة مع بعض.