بونبونانية

انا مضطرة صراحة اعمل تحديث عشان واضح كده ان الموقع اتحول لموقع شأط 😅 يا باشا انا لا جواز متعه ولا جواز مسيار يمشي معايا ... ولا تسلاية وخروج ياكل معايا . .. وبلاش فرشة انا وانا وفي الاخر اونطة عشان اخر واحد باعت لي صور موديل ايطالي ويقولي انه هوه 😅😅 و انا لا حجيب حد من مصر يدور على شغل وبالمرة يتجوز اصرف عليه انا فعلا مستغربة جدا من العروض دي ، انا عايشة لوحدي ومسؤولة مش ناقصني واحد اشيل همه ولا واحد لسه بيبني نفسه وفي اوائل التلاتينات جي يبني نفسه ويجرب معايا انا عاوزة انسان مستقر ماديا ونفسيا ومقيم في الامارات لاني مقيمة فيها من اكترمن ١٦ سنة او عنده الاستعداد للاقامة على حسابه مش حسابي اما واحد في السند ولا الهند لاء ... ولا ساكن في برتشن ولا غرفة ناطور لا يا فندم انا مش واقعه ولا بنزل ولا شباب التلاتين يقولي عاوز واحدة كبيرة ناضجة انا مش اختك الكبيرة اللي حتشكي لها همك فوفر وقتك عشان انا مش حضيع وقتي في الردود وانا واضحة في الوصف ولا تقولي تفكيري اربعيني ولا الكلام ده عشان اللي في الاربعينات ما بيضحك عليهم بالكلام ده انا واحدة عارفة انا عاوزة ايه راجل ناضج مسؤول مستقر ماديا ونفسيا ووضعه المادي قادر على فتح بيت غير كده مش مستاهلة والله وكله زي الفل