Noor Mohammed9

طويل القامة،وسيم، أنيق، ولونو أسمراني كلامو بيفتح النفس. ومرتب هيبة ونضوج عجيب. ولبسو أنيق، دايماً شكلو بيفتح النفس. كاريزما ملفتة ، واثق من نفسه ، بيوصل للقلب مباشرة." "مستقر مادياً، بيت، عربية، استثمارات، كل شي مؤسس بذكاء. راجل أعمال ناجح أو في وظيفة مرموقة، طموح ومجتهد، شغوف بالتطور المهني والمادي. وكريم بجنون! بيحب يكرمني مادياً من قلبو، من غير ما أطلب، ومن غير مناسبة. بيحب يبسطني بالهدايا والسفر، بيربط حبو بالكرررم ، بيحسسني إني ملكة." "وعقليتو دي، يا سلاااام! متدين ومتوازن، بيصلي في وقتو وبيخاف ربنا، مثقف، واعي، ناضج، بيختار كلماتُو بعناية، بيعرف يدير حوار عميق وبنّاء، بيخليني افكر معاهو. واضح وصادق، بيتونس معاي في كل شي، بيشاركني أفكارو، أسرارو، وتفاصيل يومو كلها. حاسم وعندو شخصية قوية، لكن معاي دايماً ناعم، بيحتويني، بيخليني مرتاحة على طبيعتي، زي ما أنا، بكل تفاصيلي." وبيعبر عن حبو بالأفعال قبل الكلمات، بالحنان والاهتمام والوقت اللي بيقضيهو معاي. حنين شديد ياخ! حضنو ملجأ لي، لمستو دواء، وكلامو ده أمان مابعدو أمان. دايماً بيعلق على شكلي بكلمات حلوة: لبسي، عطري، ضحكتي، حنتي وأدق تفصيلة فيني ما بتفوتو. بيتونس معاي، يونسني، يضحكني، نسهر نحكي ونغني ونعيش اللحظة بكل تفاصيلها. مرات بيغني لي، بيقص علي، بيمسكني من يدي ويدوب بين يديّ، وبحس معاو إنو العالم وقف عشانا." "والرومانسية؟ دي جزء من دمو. بيخلق لحظات حب مستمرة حتى بعد الزواج والإنجاب، بيخلي حياتنا كلها يوم حب جديد. مثقف جنسياً، فاهم، محترم، مشبعني عاطفياً وجنسياً، وعارف كيف يسعدني بدون ما أطلب أي شي. بيننا ألفة روحية وجسدية، تناغم في كل شي، كأننا قطعة واحدة. "أهلي بيحترمهم وبيحبهم زي أهلو، وأهلو طيبين ومحترمين، ما بيتدخلوا في حياتنا أبداً، وهو حاسم في وضع الحدود دي. بيحب العيلة، وبيشتغل يكون أب حنون، صديق لأولادو، وشريك فعال في تربية الأبناء. الأهم من ده كلو، إنو معاي دايماً، حتى بعد ما نجيب أطفال، بيحرص على وقتنا الخاص، وبنعيش كأننا في أول حب."