حنونه حييل

انا من النوع اللي احب أدخل في الموضوع بسرعه وبدون مقدمات انا بنت مثل اي بنت بهالكون ادور عن أحتياجات ورغبات مشروعه لاي انثى بالكون الحب الحنان العاطفه الزواج الامومه وكثير من الاحتياجات اللي تدور بداخلي دخولي هالموقع لاني ادور على انسان يحتويني ويحتوي ظروفي اللي مالي يد فيها وهي اني فتاه من ذوي الاحتياجات الخاصه او مثل مايقولون بالعاده معاقه ارجع اقول معاقه مو فاقده للحياه او خارج نطاق التغطيه او كائن غريب جاي من كوكب ثاني انا معاقه واستخدم كرسي متحرك لكن اعيش حياتي طبيعي جدا جدا واعتمد على نفسي بكل اموري الصغيره والكبيره يعني قادره على فعل كل شي بأذن الله انا اقول هالكلام علشان اوفر كثير من الاسئله الغبيه اللي تدور في مخيلة كثير من الناس والشباب بالاخص لما شاب يفكر انه يتزوج بنت معاقه بس مجرد مايفكر الناس تنظر لها وكأن صار فيه خلال في تركيبة المخ عنده او كأنه داخل سجن المؤبد مع الاشغال الشاقه طبعا الاشغال الشاقه هي هالبنت اللي راح يرتبط فيها والسجن البيت اللي يجمعهم هع والناس تبدا بنصايح وفكر وفكر زين شلون تتزوجها شلون تربي عيالك شلون يتم الجماع بينكم انا اسفه اني صريحه لكن هذا الواقع وهذي الاسئله وهذي النصايح اللي يقدمونها الناس بدون مايفكر واحد فيهم انك بهالنصيحه هذي قطعت نصيب البنت انها تكون زوجه وام ويكون لها بيت وحياه عاديه مثلها مثل اي انثى على وجه الارض لو كل واحد فكر قبل يقدم هالنصيحه او حط نفسه مكان هالبنت دقيقه وحده كان تردد مليون مره قبل يقدم هالنصيحه يأخوان اتقو الله بألسنكم عموما انا كتبت هالكلام لاني اعيش هاتجربه بس الفرق بيني وبين كثير من البنات المعاقات اني بنت والحمدلله شخصيتي قووويه واثقه من نفسي لدرجة الغرور كتبت هالموضوع لسببين الاول اني ابين لكل واحد يقراه من هي البنت المعاقه والثاني اني اتمنى القى الانسان اللي يحتويني بكل مافيني وانا احتويه بكل الحنان والعاطفه اللي بداخلي