Haidy sherif

Hey you guys حاليا فى الفترة الاخيرة اضطريت اعمل حساب على الموقع ده، و لو انى فعلا كنت ضد الفكرة دى جدا، لكن فى ظل الظروف الحالية و مع استشارة اهلى اننا هنقدم على الفكرة و ان شاء الله خير، اولا احب استأاذنكوا مقدما بكل احترام مش هقبل بأى كلام خارج الحدود مراعاه ليا و لاهلى و لكم احترامنا بالمثل،، عزيزى زائر الصفحه بتاعتى 😅 بص بقا ، عادى مش مطلوب منك كتير متخافش ، فيه الحاجات الاساسيه اللى المفروض تكون عند اى بنى ادم عادى. بيشتغل، بيصلى ،بيكون مسؤول. و ماما بتقولى يا ريت يكون عنده شقه بس اشطه دى مسأله قابلة للنقاش معايا .✌🏻- شوف انا بسهلك ازاى-😅 نتكلم جد بقا -الصراحه هتقفل لو حد كلمنى متجوز قبل كده ف لا شكرا متكلمنيش -ليك فى الكتب حلو اوى خصوصا بقا لو مثقف ف الانجليزى ف فله اوى -بتكلم بجد ولله-، لان هحب اننا نتكلم فى حاجات كتير اوى و فيه ايه اكتر من الكتب، صح؟ -انا اداب علم نفس فى انا هعرف كل حاجه- احذروا و خافوا- -تكون بتعرف تشارك، لانى لاحظت ان فيه حاجه مشتركه ف الرجاله عمتا، مش بيعرفوا يتكلموا و يفضفضوا و يقولوا بجد على حاجه مقلقه لو مخوفاهم، و ده بيكون بسبب حاجات كتير انا فاهمه، ف هحبك كده تكون ناضج و فاهم نفسك و تعرف تطلب منى انى اشارك ف قلقك و تفكيرك ده ممكن معرفش اساعد بس على الاقل هكون جمبك و خلاص ✌🏻 لانى هحب لو انا كده برضه تعمل معايا المثل. -فاهم فى التربيه، لانها صعببه جدااا فوق الوصف بالنسبه لى انا بحب العيال و بعرف اربى الحمدلله، لكن معنديش ادنى فكرة انا هعمل ايه ف فترة المراهقة بجد مخوافنى من دلوقتى 😅 طيب انا تعبت الكتابة بعدين بقا ابقى اكتب اكتر