real7

مواصفاتى الشخصية العامة انى بأقدر معنى الزواج الحقيقى مش مجرد نظام ضل راجل ودا ما ابحث عنه فى شريك حياتى. انا انسانة عاقلة مرحة جدا محبة للحياة رغم مشاكلها المتعددة وانسانة عملية و بأكره الغباء خصوصا غباء التصرفات و الكلام و أدعى انى باخاف الله فى تعاملاتى واتمنى اكون كده. بحب استمتع بحياتى و بكل ماهو حلال لانى مؤمنة ان الحياة مهما طالت قصيرة فناخد منها على اد مانقدر من غير مانزعل ربنا منا. طبعا اللى كتبته دا اهم مميزات شخصيتى اكيد فيها حاجات تانية كتير اوى من مميزات و عيوب هتظهر بردو للطرف التانى عند الحديث و هو اللى يحكم افضل منى. اه بالنسبة للبهاق انا الحمدلله عندى بهاق من فتره طويلة من صغرى و عايشه بيه عادى و متالفة مع شكلى جدا و هو كده و شكلى الحمدلله كويس و بالنسبة لى امر عادى جدا بس طالما لقيته ضمن الاختيارات اللى حاططها الموقع فاخترته عشان فى قسم فى الموقع انى اكون صادقة و حبيت اكون كده فى كل شىء الكبير و الصغير. مع الشكر