wello881

مممممم استعنا علي الشقي بالله :- بصوا بقي يا جماعة واستحملوا رغيي :- اولا ربنا مكتبليش الخلفة فلازم اكتبها الاول ﻻني عارف ان ده معيار مهم في الاختيار. نشأتي: انا نشأت في القاهرة من اصول دلتاوية :-. علاقتي بديني: ربنا يهديني مش البعيد واالي مقضيها ولا الشيخ. اسرتي: اسرة الحمد لله هادية وربنا يخلي والدي ووالدتي يارب. ثقافتي: راجل مسلم شرقي، بحب اقرا في كذا مجال العلوم عامة وبحب اسمع اغاني ليها معني ومليش في جو اديك في السقف تمحر والكلام ده :-. عملي: انا مهندس كمبيوتر والحمد لله بحب شغلي وبحاول اجتهد فيه. طموحي: نفسي ربنا يوفقني واستقر في بيت هادي ومتوازن واطور في مجال شغلي واهم من الاتنين ربنا يخليلي والدي ووالدتي وقبلهم كلهم اعمل ﻷخرتي وربنا يرزقني بالجنة انا وكل المسلمين. هواياتي: بحب اتعلم الحاجات الجديدة والخروج والشهيصة :-. ماضيا: "انا اتجوزت قبل كده مرتين" ومحصلش نصيب الحمد لله علي كل شئ، وكمان للعلم ربنا مكتبليش الخلفة وبرضه الحمد لله علي كل شئ. امكانياتي المادية: الحمد لله مستورة واقدر اعيش حياة مستورة شكلي: بني ادم برجلين وايدين :- مش عارف اكتب ايه بس شكلي مقبول والحمد لله بس مش توم كروز ولا عبد الفتح القصري :- شكلي عادي. طباعي: بحب الراجل يبقي الراجل في تحمل المسؤلية واحتوائه لبيته، صاحب صاحبي زي ما بيقولوا :- بحاول اخد وقتي عشان متعصبش لان عصبيتي وحشه واخد قرار مش متسرع بس كله يجري من قدامي لو اتعصبت :-، بشتري قوي بس لو بعت ببيع بغباوه :- ولا يمكن اشتري تاني مهما حصل مش عارف ده ميزه ولا عيب. كفاية عليكوا كده اكيد زمانكوا بتقولوا ايه العيل الرغاي ده :-