جاد 19

امرأه - اُنثى ، قنوع ، عاقل ، وخاليه من الامراض النفسيه - فاظفر بذات الدين تربت يَداك - ...................... المُضحك المُبكي في الموقع خاصة بناتنا اللي اعمارهن تتراوح ما بين 28 ـ 35 ، اذا كانت جامعيه تشترط ان اللي يتقدم لها لازم يكون جامعي حتى لو راتبه اقل من 4000 ريال ، والسؤال هنا لها ـ لو تقدم لك سباك و دفع لك مهر نُص مليون ريال ، هل ترفضين او تقبلين يا سيدتي الجامعيه ؟ ....... وحده ثانيه غيرها : تصف نفسها بالإلتزام وإنها ما تفارق سجادتها وجلالها المشجر ، وفي نفس الوقت كاتبه من شروطها انه ـ لازم يحب السفر ويدوج بها من بلد لبلد ، ويجيب في حفل الزواج فنانه معروفه مثل الصلحي او غندره تغني عند الحريم ! .......... وفيه اللي سنها 35 او اكثر : تشترط مهر 50 وحفل زواج ويتفرغ لها او يجيب لها سواق ولونها اسود وكاتبه سمرا ! طيب وش خليتي للبنات الصغار ! ........... وفيه الزاهده اللي ما تبي مهر إلا 20 الف فقط ! ولا يفرق معها اعزب او ارمل او متزوج ، وفي نهاية شروطها كاتبه مؤخر 100 مئة الف ! اللهم لاتؤاخذنا وتتكلم عن الثقه بالنفس ! وتبي شخص واثق من نفسه ، طيب السؤال هنا : اذا انتي واثقه من نفسك ، ليش تشرطين مؤخر من الاساس ؟ والغريب او الدليل على ثقتها في نفسها : المؤخر يساوي 4 أضعاف حجم المهر ........... اختم لكم : بأن شروطك سيدتي واسلوبك في الكتابه وكلماتك تدُل على مُستوى عقليتك وطريقة تفكيرك وهدفك الرئيسي من الزواج ....... بالتوفيق للجميع