أنا meroany12 ، 21 عاما من مصر أبحث عن زوج و رقمي في مودة هو 12517868

عضوية مميزة

السكن و الحالة الإجتماعية

أنا بنت بسيطة، أهم حاجة عندي في حياتي إني أفضل قريبة من ربنا، وأحافظ على ديني ومبادئي مهما اتغيرت الدنيا حواليا 🤍 بحب الهدوء، والاحتواء، والنية الطيبة، وبحاول دايمًا أكون شخص وجوده خفيف على اللي حواليه، وأسيب أثر حلو في قلوب الناس. مش بدّعي إني كاملة، بالعكس أنا إنسانة بغلط وبحاول أصلح من نفسي كل يوم، وأقرب أكتر من ربنا وأكون أحسن من نفسي اللي كنت عليها امبارح. بحب أكون في علاقة فيها احترام ومودة ورحمة، وأؤمن إن الحب الحقيقي مش كلام حلو وبس، لكنه أمان، واهتمام، واحتواء، وخوف من ربنا في بعض. نفسي في حياة هادية، فيها بركة ورضا، وبيت أساسه الدين والمودة، وشخص نكبر سوا في طاعة ربنا، ونكون لبعض سكن وسند وراحة🤍

أنا مش بدور على شخص كامل، أنا بدور على شخص يخاف ربنا فيا قبل ما يخاف عليّا، ويكون بينه وبين ربنا علاقة تخليه يعرف يعني إيه مسؤولية وأمانة. عايزاه حنين، طيب، وجدع، ووقت الجد أقدر أستند عليه وأحس إن ضهري مسنود. شخص مسؤول، كلمته قدّها، وأفعاله دايمًا أصدق من كلامه. عايزاه يحتوي ضعفي من غير ما يستغلّه، يسمعني ويفهمني، ويعرف يطمن قلبي من غير ما أطلب. يكون سند وصاحب وحبيب، مش مجرد زوج. يكون ملتزم من غير تشدد، عنده مبادئ وأخلاق، ويحافظ على صلاته ويراعي ربنا في كل خطوة في حياته. ولو اختلفنا، يعرف يحتوي الخلاف باحترام، من غير تجريح ولا قسوة. نفسي في بيت يكون فيه مودة ورحمة، وشخص لما أبص له أحس إني اخترت الأمان قبل أي حاجة تانية… وأقول الحمد لله إن ربنا رزقني بيه 🤍