sadeem_11

أنا إنسانة هادية جدًا وقليلة كلام، وأحب أجلس بمكان هادي، لكن إذا أخذت على الشخص وارتحت له أصير اجتماعية وفرفوشة وأحب أضحك وأضحك اللي قدامي 🤍 وانقال لي كثير إن ابتسامتي حلوة وإن وجودي خفيف ولله الحمد. ربة منزل وسنعة من وأنا صغيرة، أحب البيت والترتيب والتنظيم مررره، وأركز على التفاصيل حتى الأشياء الصغيرة. وأحب أبدأ يومي بإنجاز حتى لو كان شيء بسيط، ممكن أغير مكان أثاث بالغرفة وأعتبره إنجاز اليوم 😂. وإذا جتني فكرة براسي غالبًا ما أصبر عليها، أقوم أنفذها على طول. أحب أتحرك وأنجز، لكن بنفس الوقت تعلمت مؤخرًا إني ما أضغط على نفسي؛ الشيء اللي ما خلص اليوم عادي يكمل بكرة. مريت بكم موقف في حياتي غيرني للأفضل، وصرت أهدأ بكثير وما أعصب بسرعة مثل قبل، وحتى أهلي لاحظوا هالشيء فيني. من الأشياء اللي أحبها في يومي المشي، قهوتي، مسلسل حلو، الموسيقى 🎶، والاهتمام بطيوري 🕊️الكروان كوكي ونوسة والروز🦜 طقطوقي 😂🤍 أحب تفاصيلهم ونظراتهم خصوصًا إذا فقدوني فترة، تحس عيونهم 👀تقول: وينك؟ 😂 ومن إنجازاتي المهمة جدًا بالحياة: إذا جعدت شعري وهو مبلل، أعتبر نفسي شاكيرا شخصيًا 😌😂🫶🏻🫵🏻 ولأن السؤال يتكرر: أنا مو مطوعة ولا محافظة بشكل متشدد، مطلقة من 2022، وسبب الطلاق باختصار: ما كتب الله نصيب، والحمد لله على كل حال. وجودي هنا للزواج الجاد وتكوين بيت وأسرة مستقرة بإذن الله، مو لتمضية الوقت أو الأحاديث العابرة. 🌹