مسلم9805

أنا شاب بسيط وطموح أسعى للزواج على أساس الدين والاستقرار محافظ على صلاتي وأسعى لتقوى الله على قد استطاعتي وأجتهد في تحسين نفسي وأخلاقي مع يقيني إن الإنسان طول عمره محتاج يتعلم ويهذب نفسه أكتر وبحب أتعلم ديني بشكل صحيح من غير جدال أو دخول في الفتوى لأني مش عندي العلم الكافي اللي يخليني أدخل في جدال ديني أو أتكلم في الفتوى ولو اتقال قدامي أحاديث أو معلومات دينية بحب أرجع للأصل وأتأكد من صحتها وسندها من مصادر موثوقة قبل ما أقتنع بيها أو أنقلها مكنتش قادر أكمل دراستي بعد الثانوية بسبب ظروف مادية ودخلت معهد لكن مقدرتش أكمله ومع ذلك مؤمن إن التعلم مش مرتبط بشهادة وبس وبحب أتعلم جدًا وعندي قابلية أتعلم أي حاجة جديدة وبحب الكمبيوتر والتكنولوجيا وعندي خبرات وتجارب حياتية متنوعة بشتغل سائق على تطبيقات النقل الذكي زي أوبر وديدي والحمد لله راضي بعملي وبسعى دايمًا إني أحسن من نفسي ومن ظروفي خطوة خطوة أنا هادي في أغلب الوقت وبحب الاحترام والوضوح وببعد عن المشاكل لكن ممكن أتعصب لو الكلام زاد عن حده أو نفس الموضوع اتفتح كتير بدون داعي عيلتي ناس طيبين وبيحبوا الخير ومش بيحبوا المشاكل حتى لو مش ملتزمين دينيًا بشكل كبير البعض ممكن يشوفني ذكي جدًا والبعض ممكن يشوفني بسيط أو عكس كده لكن مش بشغل نفسي بكلام الناس لأن كل واحد بيحكم من زاويته واللي يهمني فعلًا هو ديني وأخلاقي وأفعالي وتطوير نفسي وأكون شخص أفضل كل يوم لم أقل كل شئ عن نفسي اتمني تكون منهجي واضح و تفكيري واضح لك