Khan 79

Assalam o Alaikum Main izzat ke sath shadi ke liye ek mukhlis- ba-akhlaq aur deendar life partner ki talash mein hoon. Meri umar 42 saal hai aur mera talluq Yousafzai Khan khandan se hai. Is waqt main Karachi mein rehta hoon. Main ek khud mukhtar aur mehnati insan hoon. Main kai saalon tak apna karobar karta raha hoon. Badqismati se mulk ke maujooda maashi halaat aur business mushkilat ki wajah se mera karobar khatam ho gaya aur mujhe maali mushkilat ka samna karna pada. Filhal main ek normal job kar raha hoon aur aarzi tor par ek dost ki jagah par rent par reh raha hoon. Main halal tareeqe se apni zindagi ko dobara behtar banane ki koshish kar raha hoon. Main ek sada- zimmedar aur family values ko ahmiyat dene wala insan hoon. Meri khwahish hai ke meri zindagi mein aisi shareek-e-hayat aaye jo deendar- samajhdar- taleem yafta aur mukhlis ho aur zindagi ke har mor par saath de kar ek pur-sukoon aur halal mustaqbil ki bunyaad rakh sake. Mera yaqeen hai ke kamyab shadi ki bunyaad aitmad- ehtram aur bahami samajh par hoti hai. Isi liye main aise khandan se rishta chahta hoon jahan Islami aur akhlaqi qadrain maujood hon. Mera talluq ek moazziz khandan se hai. Mere do bhai aur do behnein hain aur Alhamdulillah sab shadi shuda hain aur apni zindagi mein settled hain. Allah Ta’ala sab ke liye behtareen faislay asaan farmaye. Ameen.