فضفضه@

انا عايزك ليا شريك حياتى 🫂..... كلمة شريك الحياة ---- كلمة عميقة وجميلة جدا ! شريك الحياة يعني : حد بيشاركني حياتي حتى لو مش قاعد معايا ٢٤ ساعة بس بنفكر مع بعض ،، بنحلم مع بعض ،، بنضحك مع بعض ،، بنزعل مع بعض ،، بندعم بعض ،، ما بينا قيم وأهداف ومعاني مشتركة ❤ .. يعني اتنين اصحاب بيتجوزوا و كل واحد فيهم شايف في التاني اللي محدش شايفه ،، عارف عيوبه بس بيحبه زي ماهو ،، مش بيحاول يسيطر عليه ولا يخنقه بالعكس .. كل واحد بيسعى انه يبني رصيد عند التاني بكلمة صغيرة ،، بلفتة بسيطة ،، بإهتمام واحتواء ،، بوقفة جدعنة وقت الشدة ✨ .. شريك الحياة يعني نعرف بعض كويس يعني بنستمتع بالوقت اللي بنقضيه مع بعض وبيعدي بسرعة جدا ،، بنرغي وبنحكي وبنفضفض وبنتجنن واحنا مش خايفين من حاجة لأننا صحاب ،، لأننا شركا في الحياة ،، لأننا رغم أي شيء حصل أو هيحصل هنفضل متبتين ف بعض ،، مفيش مكان ل أي غُربة بينا ،، حتى لو زعلنا لأي سبب كان، بنكون عارفين هترسى على أي ودي احلى حاجة في الدنيا حقيقي