احمد زناتي

jأنا واحد بحب الخروجات واللعب كتير من وأنا صغير، عندي فرط حركة وتشتت انتباه، بس مش كبير أوي يعني. عشان كده بزهق بسرعة وببقى عايز ألعب وأضيّع وقتي. بدوّر على واحدة يكون بالها طويل شوية وتكون عون ليا، بإذن الله، عشان أطلع أحسن نسخة مني. مش عشاني، لكن عشان ربنا، سعيًا للقرب من الله. تكون شريكتي في تحقيق حلمي إن ربنا يختارني أنا ويستخدمِني في نشر رحمته وهديه. واحد من أحلامي إني أسافر أمريكا وأشتغل في الدعوة إلى الله هناك، خصوصًا في الولايات المتأرجحة. أولاً، عشان دي وظيفة الأنبياء، ومفيش أحسن من الدعوة لتوحيد الإله الواحد الأحد. ثانيًا، عشان نصرة للقضية اللي اتربيت عليها من طفولتي وهي فلسطين. شايف إن من هناك أقدر يبقى ليا تأثير، بإذن الله. دي أحلامي وطموحاتي، ونفسي في واحدة عندها نفس الأحلام دي، وإنها تشتغل معايا في المحتوى الديني في يوم من الأيام. وأنا كشخص، مفيش أسرع مني في الزهق والملل. الطريق الوحيد اللي هلاقي فيه السعادة بجد هو ده، والدليل كلام الرسول صلى الله عليه وسلم: "من كانتِ الآخرةُ هَمَّهُ جعلَ اللَّهُ غناهُ في قلبِهِ وجمعَ لَه شملَهُ وأتتهُ الدُّنيا وَهيَ راغمةٌ ، ومن كانتِ الدُّنيا همَّهُ جعلَ اللَّهُ فقرَهُ بينَ عينيهِ". وقوله تعالى: "فَآتَاهُمُ اللَّهُ ثَوَابَ الدُّنْيَا وَحُسْنَ ثَوَابِ الْآخِرَة". الحل الوحيد للسعادة في الدارين، الدنيا والآخرة، هو إن سعيك يكون خالص لله وحده، مش لنفسك ولا لأهلك، لله وحده. فأنا إنسان طماع، بس طمع حقيقي بإذن الله، طمعان في كل نعم ربنا دنيا وآخرة: "رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ". أنا شخص بحب الجمال، فالجمال ده هو دليل على بديع خلق الله الخالق البارئ المصور، تبارك الله أحسن الخالقين. بحب الجمال لكن زي ما قال معلمي وملهمي وقدوتي رسول الله صلى الله عليه وسلم: "فَاظْفَرْ بِذَاتِ الدِّينِ تَرِبَتْ يَدَاكَ". فا ذات الدين ثم ذات الدين ثم ذات الدين ثم ذات الجمال ثم فقط حتى لو كانت اكبر مني مطلقه ولا تنجب المهم تكون ذات دين ثم ذات جمال.