Ashraf Elhosiny

محتاج انسانة بسيطة ومتواضعة مش طالبة غير العفة والستر -اقامة دائمة او غير دائمة-نفسها تعيش دور العشيقة والحبيبة والصديقة هاربة من الوحده والفراغ وعاوزة الونس والاهتمام والاحترام المتبادل انسانة غالية اشتريها بقلبى ومشاعرى مش بالفلوس -أنثى- مش سلعة او واحدة بتدور على صفقة هتخرج منها كسبانة كام . وخليكى عارفة ان كل شئ له ثمن بيبقى رخيص وسهل الاستغناء عنه بسهولة مهما كان ثمنه غالى . الكلام كتير واكيد مش هنقدر نقول كل حاجه هنا ولا هنقدر نحكم على الاشخاص الموجودين هنا بمجرد التعليقات او المواصفات المكتوبة فى البروفايل والا يبقى بنضحك على نفسنا لاننا اتصدمنا كتير فى ناس عاشرناهم سنين يبقى هنحكم ازاى على الناس هنا فى ثوانى او حتى دقايق ، وكمان كل واحد فينا له طلبات او مواصفات خاصة حابب انها تكون فى شريك حياته لكن برضه اكيد مش كل حاجه بنتمناها هنلاقيها كلها عشان مفيش حد فينا كامل لان الكمال لله وحده ، وممكن جدا نلاقى قبول وارتياح او كيميا نحس بيها بيننا تخلينا نتغاضى عن حاجات كنا عاوزينها وبنحلم انها تكون موجودة فى شريك الحياة ، عشان كده اتمنى تكون اهم مقاييس اختياراتنا هى القبول لانه اهم بكتير من مقاييس الشكل والجسم والشبكة والمهر والشقة التمليك . لان بسبب سوء وفشل اختياراتنا السابقة هو دلوقت السبب فى تمردنا وهروبنا كلنا من حياتنا ومشاكلنا والدليل وجودنا هنا دلوقت عشان ندور على حياة جديدة ، وممكن جدا يكون نصيبنا موجود هنا ونضيعه من ايدينا تانى فى لحظة لمجرد الاختلاف فى الرأى او فى بعض المواصفات اللى رسمناها فى خيالنا . لكن حتى لو لا قدر الله ملقيناش نصيبنا هنا يبقى على الاقل هنكون مرتاحين ومقتنعين اننا حاولنا ومضيعناش من ايدينا فرصة كنا بنحلم بيها ونتمناها لأن فكرة الزواج بالنسبة لنا دلوقت لازم تكون مدروسة بعقلانية شوية ويكون فى ارتياح نفسى خصوصا فى الفترة دى لان اللى ضاع من عمرنا كتير ومفيش وقت نضيعه تانى فى تجارب فاشلة ومفيش حد فينا هيكون عاوز يكرر الاختيار الخطأ مرة تانية . واكيد مش هنقدر نفهم بعض ولا ناخد فكرة كاملة عن شخصياتنا بالكلام بس بدليل اننا لسه بننخدع فى ناس عاشرناها سنين طويلة مشافوش مننا غير كل الخير ومع ذلك انخدعنا ولسه بننخدع فيهم . ولازم نخلى بالنا ان المواصفات اللى بنكتبها هنا عن الشريك بتكون عبارة عن احلامنا اللى بنتمناها فى شريك الحياه ولما بنتكلم عن نفسنا للاسف بنقول مميزاتنا بس ومش بنقول عيوبنا علشان كده بتكون كلمات جميلة والكلام بيعجب ناس كتير هنا . صحيح الوقت مش فى صالحنا واللى جاى مش اد اللى راح لكن نصيحة لينا كلنا بلاش نتسرع تانى فى الاختيار علشان الغلطة دلوقت هتزعل اوى وكمان نحاول اننا منضيعش فرصة ممكن تكون فيها عوض كبير من ربنا لينا بعد سنين حرمان . رجاء الناس الافاضل المحترمين اللى مش هيعجبهم كلامى يكون اسلوبهم راقى ومفيش داعى للتجريح واتمنى الخير والتوفيق للجميع