دره---

بدوّر على شريك حياة واعي، عاقل، حقيقي، يعرف يعني إيه يحتوي، مش بالكلام لكن بالفعل. شخص شايف الست القوية مش تهديد، لكن شراكة تكمّله. نفسي أرتاح مع راجل يبني معايا، مش يهدم، يشوف تفاصيل روحي قبل شكلي، ويكون عنده شغف بالحياة وبيحاول يتطور حتى لو بيتعافر. بحب الراجل اللي عنده مسؤولية، قلبه طيب، وعقله راجح، واللي يعرف يحتوي وقت ضعفي ويفتخر بيا وقت قوتي. أنا مش هنا لعلاقات عابرة، ولا مكالمات نص الليل، ومش بقبل أتكلم بره المنصة، ولو في ارتياح حقيقي يبقى الخطوة تكون واضحة ورسميّة. مش بقبل الارتباط بمطلّق أو أرمل ولا حاي خطب قبل كده ، وده من البداية لتوضيح النية ورايي الخاص في اختيار شريك حياتي . بحترم كل الناس، لكن بعرف أنا عايزة إيه كويس.