أنا AbdelRahman1516 ، 32 عاما من مصر أبحث عن زوجة رقمي في مودة هو 10761791

عضوية مميزة

السكن و الحالة الإجتماعية

يمكن أكون شبه ناس كتير في الشكل، بس اللي يقرّب مني يعرف إن جوايا في حاجه نادره… قلب صادق بيخاف على اللي بيحبه أكتر من نفسه. بحب التفاصيل الصغيرة اللي محدش بياخد باله منها، نظرة فيها راحة، ضحكة خارجة من القلب، كلمة بسيطة تغير يومي كله. أنا من النوع اللي لما يرتبط، بيكون جدّ… بس من غير ما ينسى الضحك والهزار، بحب أضحك وأخلي اللي حواليّ مبسوطين، بس لما أحب ببقى راجل بمعنى الكلمة… بحافظ، وبدّي أمان، وبخلي اللي معايا تحس إنها مطمنة حتى وهي ساكته. مش بدوّر على الجمال اللي بيتشاف، بدوّر على الجمال اللي يتحس… على بنت قلبها طيب، نيتها نقية، عندها شوية جنون حلو يخلي الدنيا ليها طعم. نفسي ألاقي اللي تبقى معايا في كل تفصيلة… نضحك، نحلم، ونتعب سوا… بس من غير ما نسيب بعض. لو انتي بتدوري على حب حقيقي، على راجل يعرف يحتويك ويضحكك في نفس الوقت… يمكن أكون هو الشخص اللي بتدوري عليه ❤

نفسي في بنت تكون طبيعيه… مش بتركّب شخصيه ولا بتحاول تبان غير اللي هيه عليه. بنت فيها حنية تخلي اليوم يبقى أسهل، وضحكتها لوحدها كفايه تغيّر مزاجي. بحب البنت اللي عندها عقل ولباقة، بس في نفس الوقت فيها طفولة كده تضحكني من غير ما تقصد. تكون عارفه امتى تبقى جدّه وامتى تهزر، امتى تحكي وامتى تسكت وتفهمني من غير كلام. مش عايز ملاك، عايز إنسانه حقيقيه… تغلط، تزعل، بس ترجع دايمًا لأن قلبها أبيض. نفسي تكون شريكتي وصاحبتي وسندي، نكمل بعض مش نتغير علشان بعض. نضحك على حاجات تافهة، ونخطط لأحلام كبيرة، ونقف جنب بعض لما الدنيا تديق. مش مهم تكوني أجمل بنت، المهم تكوني أنتى… لأن الجمال الحقيقي بالنسبالي إنك تبقي على طبيعتك. لو قلبك صادق، ونفسك في حب راقي وهادي فيه احترام وأمان… يبقى يمكن تكوني إنتي اللي بدوّر عليها من زمان ❤️